les premiers portapes
par minloute le, 06/10/2006oh chti qui dit que l' premier portape chéto l' bip bop, dans les années 80 , is'met l' do dins l eule
pasque nouzautes in connaicho djà les portapes et in n avo pas d' forfaits , ni d' abon'mint à payer à francetélécome, nan , chéto gratuit
oh allez cachez un tchiot peu !
mi j' me souviens dins ch' gardin, un chacun à un bout , deux yaourths vites et au miyeu eune fichelle bin tendue, l un qui parlo dans l emballache du yaourt, l aute qui collo l emballache à s'n orele et l'tour y éto joué
zallez dire , cha porto pas loin, bin ouais ptete mais chéto les débuts, et meme comparez cha avec ch' bip bop, ch' téléphone que té pouvo pas téléphoner, mais qu arcevoir pi cor t avo interet à rester sous eune antenne pour intinte c' qu on t' diso, alors que ch' portape à youyourt , té pouvo aller partout
pour les plus jeunes, si i veulent arfaire l expérience, oubliez pas d' minger c' qui a dinl' yaourth sinon l' line ale risque d éte incombrée et qu' vous zintindrez pas grand cosse, pi pour chti qui met ch' youyourt as' n orele, ché mieux si ché vite, que d ' s artrouver avec eune montane ed youyourt dins ses esgourdes
pi j' sais nin si cha march'ro cor aussi bin, pasque ch' fond du yaourth ach' t époque là chéto fait dans eune espéce ed carton, pas du plastique comme achteure ....