les ropes à fleurs
par minloute le, 10/10/2006j a djà évoqué l' garte rope ed marie claire, j' dis cha ché inter nous, pi comme in n est pas nombreux such' site , j' peux vous zin parler , mais gardez cha quand meme pour vouzautes , faut pas nin faire el' réclame ......
zavez djà ravisé dins ché paches des cacaloques ed la blanche porte ou d' daxon, ché magnifiques ropes à fleurs qu in trouffe ed dins ?
ah nan ! mi j' me permettro pas d' eum' moquer des bios motifs des ropes, des tabliers qui présentent
dins ché temps qui courrent , du que un sou ché un sou, du qu in est tous involontair'mint des paniers perchés, faut dire qu avec tout c'qu on a à payer , par chi par là, in peut dire que des ropes comme cha , cha devro aussi et' rimboursé par l' sécurité sociale
pourquo?
rin qu' des avantaches , zallez vire
d'abord si vous devez vous rinte au bal masqué, l' tenue ale est toute trouvée
sinon eune fos portée et qu ale comminche à viellir, un coup d' ciseaux par chi par là et crac, zin faites des rideaux
ché rideaux parel i prennent un coup d' louchet, zinquietez , j a cor eune paire ed solutions
pouvez nin faire eune nappe
l' nappe ale est pu fraique, zavez bin un ami, eune connaissance qu ale va al' chasse l' diminche, ayez pas peur, donnez zi, i va nin faire eune tenue ed camouflache ....
donc arlisez cha, bin cha veut dire que l' rope à grandes fleurs qu zavez acaté ale peut bin servir au total bin eune dizaine d années .....