big sister

mais mes gins i a pire que big brozer y a big sister

big sister ché eune ed mes soeurs, oh plus plus viele qu' mi, largemint .....
vla ti pas qu ale a pris l habitute ed lire ché sujets et qu am' fait des commentaires
faut dire qu ale est prof , donc ale a l habitute ed critiquer, d' met' des notes , ale a fait cha d' puis un momint, j' cro qu ale a comminché à enseigner, chéto, ouais, chéto au momint qu' jules ferry i a été minisse d' l enseignement , cha nous rajeunit pas .......

eune preuffe, taleure al' m invo un messache du genre, ché bin d' met' des sujets sur les mines pyrénéenes, oh
j' vous marque pas s' phrasse mais chéto du genre ampoulé pour dire "qu ale éto sensipe aux rutes conditions d exploitations des zouvriers dans un environ'mint hostile"
et là , j' vous la fait simpe, pasque si j avo arcopié mot à mot, in a eune paire i zaurotent dit, cha y est , minloute i a ch'map, cha tourn' sot dins s' tiete .....

donc j arviens à m' soeur, dins sin mail , ale s étonno que ché photos i zétotent pas such' site, mais savez chéto un eton' mint presque d' adjudant ......
j y a espliqué que j' faijos ché sujets et que j invoyo ensuite les photos à marie claire, qui les metto ensuite such' site

ah la la , pas facile d avoir eune soeur qu ale est prof
mais j' su obligé d'dire que sin métier ché un sa sert d'os , ouais faut aimer, pasque y a pas qu' des avantaches

oh zallez dire , ouais ché profs i sont toudis en vacances, ché vrai, que pour corriger ché copies i invoent toutes ché feules in l air et celles qui artompent in premier i zont ché meilleures notes, ché vrai, qui sont toudis in greffe, qui font tous les ponts possipes et inimaginapes, que si té metto tous ché ponts qui zont eu, ché plus long que chti d' la riviere quouaille , ché vrai

mais cha n a pas qu' des avantaches, pasque mes gins ale est prof ed pisse qu au logis, eh ouais, cha veut tout dire, l' preuffe quand qu ale armonte dinch' nord, ale a toudis sin séiau in plastique dinl' carette
(que con tin frère, et ouais m'soeur....)