Les jardinsl' temps des gardiniers
par vauthier le, 17/10/2006dins nos mines y avo des gardins à tous ché masons, al mienne min grand père Oscar in' avo un bio, tous les ans y recevo ses graines par la poste, cha veno de Valenciennes les jardins ouvriers, J O B j'me rappelle plus c'que cha veut dire le B
y avo des paquets de 10gr 20gr 50gr, y avo pas de belles images, ed sus y avo juste marqué c'que chéto.
enfin tant et si bien qu'in avo un gardin magnifique, (j'm'excuse) mais faut dire que tous les ans in hiver quand y avo del neige si possible in vido ché cabinet, chéto un grand momint pour l'odeur din ch'quartier mais in éto pas les seuls
par contre in avo des légumes ed compétition, min grand régal chéto d'minger une salade ed pomme de tierre avec des branques ed céleri blanc coupés fin ed dins, rien qu'a y pinser j'in bave.
j'me souviens aussi quand min grand père y r'tourno l'terre avec sin louchet, y faiso sortir les trois quatre poules qu'in avo dins ch'poulailler
tout cha ché des souvenirs qu'in do être plusieurs à avoir vécu
