in haut de ch' terril 1
par minloute le, 19/10/2006ah mais j a jamais dit que not' région ale éto pas belle, d ailleurs , mi quand que j armonte in train, ché un sacré momint d artrouver l accent "qui écrase" , alors qu ichi "i cante"
mi cha comminche à m' titiller ché quand qu on est dans l' gare du nord, souvint i li fait djà pas trop caud, pi les destinations cha sint pas l' cote d azur, Amsterdam, Bruxelles, Londres sans oublier Etaples Abbeville, et bien sur Lens Béthune
cha y est ch' train i est parti, in quitte les zabords del gare du nord que j' m a toudis d'mindé commint des gins i pouvottent habiter là , que vue sur ché rals ......
in print in tchiot bout del voie que j' prenno quand que j habito in région parisienne, pi cha bifurque, nous vlà djà al' hauteur ed' roissy, j' vo dins l' fond la silhouette du chateau d écouen, que j habito pas loin avant, si loin pour mi achteure .....
aucun regret mais alors aucun regret de mes 20 années de région parisienne, mais cha y est ch' train i comminche à suiffe l' autoroute
bin vinguette , i zavancent te pas dins leu carettes ... in suit l' autoroute du nord que j a pris tant d' fo dins sin sens ou dans l aute, mais ichi ché à grante allure ......
grands paysaches vallonées ou plats, avec eune pointe ed grisaille souvint dinch' ciel
ché masons argroupées autour ed clochers pointus, au milieu de rien, ou plutot d' champs à perte ed vue .....