in haut de ch' terril 3
par minloute le, 20/10/2006passé Arras, in vo au loin les terrils, pi cha y est in vo ché corons, ch' train i comminche à s arreter dins ché gares
y a des jones qui montent et qui déchintent , des gins qui rintent dinch' wagon avec leurs sacs à provision
cha y est in est dinch' bassin minier , in rintre dins l' pays d' la brique apparente pour ché constructions
corons alignés à perte de vue, ch' train i ardémarre , Lens est passé , l' mémorial canadien in haut del' colline au loin rappelle que par chi in n a des jones qui sont tombés d' part et d autes
pi in face , Notre Dame de Lorette, pi l'antenne ed Bouvignies, nous vlà chi du coté d' Noeux, belle tchiote gare
in va faire presque el'tour du terril d' Noeux, chti qui a eu s' n 'heure ed gloire quand qui faijotent des pistes de ski d' sus et achteure laissé à l abandon
inter nous, j' sais pas combien cha a couté ch' t affaire au total à la région et al' mairie, pi surtout à ché zhabitants d' noeux, mais l' note ale a du et' salée
eune fo passé Noeux, in file vers les flantres, in artrouffe ché patures et ché camps, pi enfin in arriffe à béthune
béthune, bruay, cha n a jamais été l' grand amour, béthune l' bourgeoisse et bruay l' ouvriere , 2 montes différents à 10 kms l ' eune ed l aute