6h40 l'site s évele
par minloute le, 01/11/2006j viens d'me connecter , bin à 6h40 au matin, cha fait l impression savez, d' ouvrir ch' rideau métallique d' eune épic'rie et bin n a 3 aut'equ mi qui sont djà là
mi am' mote cha do et' des zartraités qui ont gardé eune habiteute d' es' lever tot
bon aujourd hui j' va faire eune paire ed sujets qui devrotent vous interesser
sans quo hier au soir, in rintrant du traval, impossipe des' garer dinl' rue, i avo l' messe ed la toussaint, ichi ché cor bin suivi l' messe, tention, j' va préciser que j' parle d' l églisse catholique, pasqu ichi i a aussi l' tempe protestant
donc pas d' plache pour es' garer j a été à l aut' bout du villache , in arvénant , connaissez minloute, j m a arrété à mon de m' n épiciere , ale avo pas d' clients , faut dire qu in éto djà tard, mais les travaux qui font dinl' rue cha n arrinche pas ses affaires
alors in a discuté l' bout d' gras oh bin eune demie heure savez quand que 2 babelles as' rincontent , in a toudis quéquosse à s' dire.....
et là j a cru qu ale allo faire eune attaque cardiaque, j y a dis qu in déménageo l' 1er décempe
bon in plus que ché un tchiot commerce comme bientot in n in verra pu,avec toudis in fond sonore l' radio avec ed l accordéon , ché que chéto interessant d y aller pour discuter
j'y allo parler avec l' monsieur qui a 75 ans des randonnées que j' allo faire, cha li rap'lo des souv'nirs de quand qui éto jone
pi avec s' femme , in discuto des cancans du villache, ou d indrots du que minloute i devo aller aussi mais là chéto pour bien minger
l adresse d un fermier qui faijo du vrai fromache du coin, un commercant qui fabriquo du boudin béarnais et du saucisson, min fameux saucisson d' montane que j' minche tranqu'il'mint assis cont' un rocher quand que j' va m' prom'ner
c'qui la vraimint surprisse ché que j m a interessé à tous ché r'coins du départemint, alors pour rigoler am' poso des colles , du genre, zavez été djà à diusse ? mi j répondo par l affirmatiffe et j y donno des détals sur l ancienne églisse
au début in éto des touristes pour elle et sin mari , mais là cha fait un momint qu in a passé un state, l' preuffe ché que li im' tutoie , si cha ché pas eune preuffe que par chi i sont plutot méfiants
nan pi j' rinds des tchiots services ed temps in temps et ché vrai j' les a ker