ch' vaissellier
par minloute le, 01/11/2006ravisez cor un coup, verrez qu' minloute i est pas al' fete tous les jours, cha fait un momint qui a un vaissellier que grand mère ale rale ed sus
bon in l a acaté i a deux ans chez Emmaus, avec plein d autes cosses, mais au bout d eune paire ed mos, i avo eune porte qu ale est quéu et qu in arriffe pas à l armette, donc ale la coinchée mais faut pas l ouvrir
bon mais i parait qu' minloute ché un brisaque, i parait, pasqu à chaque coup que j' veux m' faire des zeux au plat, faut qu' j ale querre el poele dinch' fameux vaissellier....
ché tous les diminches soirs... ouais pasque l' diminche au soir grand mère ale fait jamais à minger , cha fait d'zannées qu' cha dure , la formule ché "on grignotte" , bon mi j' prinds min courache à deux mains, enfin ché eune fachon d'parler, ché plutot l' porte basse droite du vaissellier que j'veux ouvrer délicat'mint , ouais tout cha pour pas faire querre l'porte gauche
bin j' peux faire tout c'que j'veux , à chaque coup l' porte al' tompe à terre
autint j' peux toudis d'minder avec des ziux d'merlan frit à grand mère "chérie, té veux pas m' faire des zeux au plat" d abord ché naturel as' méfie quand que j' dis "chérie" cha sint l' pieche qu ale dit.......
bon passons imaginons que j y disse que "té veux pas m' faire des zeux au plat" al' reste dins sin canapé à raviser l' émission que chéto loloferari et sin mari qui présentotent sur tf1 à 19 h ... am' ravisse meme pas pour m' réponte "on grignotte"
mais quand que l' porte ale qué à terre, à tous les coups as' leffe, "ah té peux pas faire attintion, j' te l'dis à chaque fo, té pas doué ti "
pi l' pire "cha comminche à m enerver i va dégager al' poubelle" d abord j avo pris cha pour mi , mais in fait ché ch' vaissellier....
mais ale parle , ale rale , comme eune piplette qu aprés minloute i a maux as' tiete et comme vous savez minloute I PEUT PAS d' minder eune aspirine sinon i a cor el' sérénate , que vie mes gins que vie ......