j a bin mingé c'soir
par minloute le, 05/11/2006ouais i resto du bouillon d' boeuf et grand mère ale avo mis plein d' vermicelle ed dins , en fait ale du pas vire qu ale vido ch' cont'nu complet del' boite, am' n avis ale a fait cha in ravisant in meme temps la staraque
ah quand qui a la staraque , l' mason ale peut bruler, j' peux passer tout nu min raccord ed vélo d'vant l' télé , am' dira simplement pousse te, mais ché comme chi ale m avo pas vu
mais pour un coup ,j' dirai rin, pasque quand ch' bouillon i est rimpli d' vermicelle à ras bord, que l' cuillere que té met d' dins ale tient d'bout tout seu, que ché presque del pate que té minche, mi ja ker cha, un tchiot bout d' pain, un peu d' beurre, et em' vla calé pour un momint, j'dis pas que j ardéchindrais pas faire eune inspection éclair dinch' frigo vers 22 heures et que j rétam'rai pas eune paire ed youyourtes .................. et faut pas tomber malate inch' momint , meme si ichi fait bio, grand solel, au matin té bin contint d' mette eune polaire pour sortir dinl' rue