ché zannées d' vaque maique

quand que j arpinse à merlimont qu in y allo au tout début qu in éto mariés avec m' femme , pi ché deux tchiotes, in avo pas grinmint d' sous d'vant nous
in y avo été avec l' carette eune viele audi 50 mais rassurez vous chéto eune audi mais chéto pas plus grand qu eune polo .....
in faijo toudis des ptits parcours avec l' carette, du magasin al maison et réciproqu'mint, in éto pas sur j' vous jure, d arriver à merlimont , pourtant y a 200 kilometes , mais chéto al' mesure ed l ancien'té del carette, d ailleurs echt année là, ale a roulé que l' premier jour qu ale est arrivée et ale a r'démarré que l' jour qu in est arparti, fallo pas gacher l essence et in voulo pas tomber in panne loin d' not' mason, in auro eu du mau à payer l' garagisse
in avo pas grinmint d' sous , oh chéto nin les misérapes quand meme, mais in raviso c'qu on acato, et in a jamais caché à ché zinfants si in pouvo pas acater quéquosse in leur diso, point
mais in a quand meme passé d' sacrées vacances à merlimont, l' matin in allo acater ch' journal, ch' pain, et in faijo un tour à la mer, pi si i faijo bio in i artourno avec les zépuisettes à crevettes
l aprés midi in allo à la mer , bin seur, eune expédition, ché sacs, ch' parasol, l' coupe vent, ché juets des gosses, et ch' tchien
et l' soir in artourno à la mer, souvint mi tout seu avec les zinfants, à ramasser des coquillaches qu in ram'no al' mason, aprés in rintrant en région parisienne in les a mis dans des grands bocaux anciens style bocal à cornichons, bin j' zai cor
in raviso ché gins qui faisottent voler ché cerfs volants, ou in raviso les chars à voile au loin
in passo l' soir d'vant ché restaurants, in savo qu in i iro pas, in acato d' temps in temps eune gauffe ou eune portion d' frites

chéto tout simpe, mais in a passé la bo d' merveilleuses vagances avec pas grand cosse dinch' porte monnaie