commint marie claire ale a rencontré frette

ouais j' sais j' recois plein d' courrier sur cha, expliquez me, commint qui s' sont rincontrés, et pi ché vrai que marie claire ale a coiffé l' sainte cath'rine qu in 1980 , j' pinso qu ale éto beaucoup plus viele ...enfin plein d' questions qui zétotent restées sans réponse et que j' va enfin lever ch' voile sur leur rinconte, cha evit'ra qu' ché gins i m appellent toudis pour cha

alors i s'sont rincontrés in 1981, chéto l année que marie claire ale a mis sur s' tiete ch' fameux capio d' cath'rinette
oh chéto in ev'n'mint, et comme tout ev'n'mint cha s' arrosse, mais connaissez marie claire, ale sait pas faire les cosses à moitié, ale avo cor pris eune cuite oh ché pas l' premiere fo ni l' derniere , zavez tous cor in tete l' coup qu ale a voulu nous faire accroire qu ale éto quéue dins l escalier d' l hotel du qu ale éto en lorraine, ouais ché la premiere fos qu' ché marches ale i ont sauté au visache qu ale m a dit, ché vous dire dins quel état ale éto mais chéto rin avec l' premiere fo qu ale éto cath' rinette

ale avo pris eune cuite ,mes gins, eune cuite, ale a eune déchinte que j auro pas ker armonter à vélo meme avec un dérailleur ed compétition
ale a sorti du bistrot, ale a dit à r'voir à ses copines, ale les voyo pu , chéto tout troube, pi ale a décidé d' rintrer as' mason, ale éto tel' mint arringée qu ale a buté dans eune premiere poubelle qu ale li a dit pardon, imaginez l' dallache mes gins
mais au bout del troisieme poubelle là ale a pas pu éviter , ale a fait un vole plané qu ale s a artrouvé coinchée d' dins, ale a essayé des' déssaquer d' là , impossipe, alors ale s a indormi
pi à chinq heures au matin, ale a ouvré un neule, ale croyo qu ale éto dans eune boite ed disquo, ale voyo l' boule à facettes pi ale a vu jone travolta qui s a pinché d' vint elle, in fait , l' boule disquo chéto l' gyrophare de ch' camion d' poubelle et jone travolta chéto frette ech poubelleux, li i l avo pas armarqué tout d'suite , i avo été attiré par un bouquet d' kériches qui sorto d un des grands bacs ed tri, pour aprés armarqué qu in d'sous ché kériches i avo un capio et qu in d' sous i avo eune jeune file
i l a ardésaqué d' là , cha a pas été facile, vu qui a fallu qui appelle ché collèques et printe in demonte peneu et qui zont cor du savonner l' pourtour pour qu' marie claire ale puisse s armette ed 'bout
ale éto pas fraique chéto l' moins qu on puisse dire, mais bon, sans rintrer dins ché détals i a du s' passer quéquosse pour qui so incore ensempe aujourd hui .....

rassurez me, o zavez tertous compris j'espère qu' minloute chétot un rute moqueux d' gins , pi o zavez vu i fait pon les cosses à mitan hein
mais j' vas cacher... , cha va m'printe plus d' temps qu' à li mais j'vas treuver aussi un jour .......