un appel aux souvenirs (2)
par loumarcel le, 08/11/2006J'cros que Vauthier i a raison, ch'étot plus in terrain d'aviation (ch'est d'ailleurs comme cha qu'min père et mes grands Parints i l'app'lot'nt) qu'un aéroport, i n'y a jamais eu des gros avions.
Pour arvénir à ch'pétit lac, à côté d'chez DELORY, l'ferme et leu maison,
mi j'y allos à l'pèque, tout ch'coin là in l'app'lot "ch'l'érietz", j'pinse que cha vient du mot Rietz qu'in trouff' souvint dins l'62 mais je n'sais toudis pas ch'que cha veut dire.
Soit qu'cha vient de ch'pétit lac ou alors d'el grande plache in herpe et d'mauvaisse terre dù qui in veyot des moutons d'timps in timps. Ale étot au milieu in face d'la mairie , intre ch'lac et ch'café Vassez qui faisot coin d'laut' côté, et dù qui a ch'terain d'foot à ch't'heure.
Mi j'avos querre aller à l'messe à Hesdigneul avec min grand père et m'grand mère et mes parints passe j'avos l'drot d'sonner les cloches, min grand père i étot sonneu à l'églisse, mi j'avos l'drot à l'pétite cloche.
Après l'messe in allo au patronach' in face et ch'étot l'apéro pou chés adultes, pour chés gosses ch'étot inne limonate. Ch'curé, un grand sec avec des lunettes, i étot sympa, i buvot in cop à chaque tape.