ché grandes familles (2)
par babette 85 le, 12/11/2006bin mi in étot 10 gosses am'mason (5 fil's/5 garchons), pi yavot mémére qui habitot aussi avec nous zotes, ale avot es'piece!
ale épluchot ché légumes pour el'soupe, ale raccomodot ché cauchettes, avant in jétot rin!
chétot toute eune organisachion, tout cha! sourtout pour printe sin bain! in s'lavo dinl'buanderie, yavot pas ed'salle de bain, et chétot el samedi.
in kemincho del'matin, chacun sin tour, pour finir din l'apres midi. zinquiétez pas, din'l semain' in s'lavot quand méme, ach'robinet!
pour el lessive, chétot del grande lessiveusse, in n'avot pas d'machine, pi par la suite chétot eune machine in bo, eune sorte ed'baquet, avec eune essoreusse al'main.
pi pour nous nourir, bin mes parints i zont du aller à crédit ach'magasin du coin
pour nous habiller in mettot les restes ed'ché plus grands, pi mi souvint aussi qui avot em'copine qui nous donnot ses vet'mints. mais j'a des mauvais souv'nirs d'elle car ale disot devint ché zotes fil's de classe "tiens t'as mis aujourd'hui min mintio!", bin j'étos bin génée!
in n'pouvot jamais partir in vacances, meme in colonie, cha coutot trop ker , fallot trop d'vet'mints din'liste!
em'mére ale tricoto tous nos pulls, in choisissot not'modéle dinch' cataloque "bergére de france"
ché disputes qui racontot minloute, j'lé ai connu quand ché "grands" i zont ram'né "leurs pouillettes ou leurs jules" al'mason!
cha pas été facile pour ché parints, ach't'époque la!
pi pour mi, comme j'étos l'avint dernière, j'a pas eu trop d'affinité avec ché plus grands, trop décarts d'ache, bin quand ché parints i sont disparus, tout étot disloqué!
ché seul'mint achteur qué j'a découvert que j'avos des nièces qui existent!
ché pas évidint d'éte eune famille nombreusse! mes parints i zont fait ce qu'ils ont pu pour nous él'ver, car quand in vot à l'heure actuelle ce que certaines femmes al'font quand elles sont enceintes, pour mi, ché inadmissipe! interrer des nouvios nés din des gardins, ou les congeler, alors qui a tell'mint ed moyens de contraceptions de nos jours!
mais cha, ché min avis, et je rinds homache à ceux qui m'ont donner la vie!
j'sus admiratif devant des familles comme el tienne babette parce que chétot fas facile meme pour ché tiots y meritrotent ine medaille, mais j'cros qui a inne medaille des mères françaises et si t'mère elle l'a pas eu in tout cas elle l'aurot merité
par nounours-94 le, 12/11/2006em'belle mère ché pareil a n'a eut 10 et in plus al travaillot comme infirmière ed'nuit à Valenciennes. elle aussi al mérite eune médaille.