ché femmes 3

ah ché femmes, grand mère ale stresso pour ch' déménag'mint , in va pas y arriver, té fout rin, té jue à cartes su l écran pendant que j' fais ché cartons cha m enerffe té peux pas savoir ...
j in passe et des meilleures
mais là aujourd hui j a fait ch' grand numéro, à huit heures au matin, j a armonté ché cartons, mis dinl' carette, mis dinch' garache du que j' va habiter , artour ichi, et deux fos cor j a fait ch' voyache
ah là cha allo trop vite pour grand mère, cha suivo pu, débordée qu ale éto, enfin savez , pour qu eune femme ale so débordée faut pas grand cosse , tiens ravisez pour eune naissance ale zin font tout un brin, alors que ché nous qui ont souffert l' plus , pasque croyez pas ché femmes que ché eune partie d'plaiji d' faire des infants, enfin vous comprindrez jamais, nous in reste modeste .......

bon j arviens am' n histoire , débordée qu ale éto, là j y a dis bon faudro ptete accelerer l' mouv'mint, j va pas y passer l' journée ...... éblouie , impressionnée qu ale éto, eh ouais, nous ché zommes quand qu in veut montrer not' intelligence, note forche, not' prise ed décisions, ale sont perdues
souvint in fait just'mint semblant d ete un peu bébétte , cha leur permet ed surviffe à coté d'nous, enfin dins not' ombe quand meme et quand qu on s' lache quand qu on arrete ed juer les neuneux, là ale comprennent qui ché ch' maite ichi ............
(enfin j'dis cha , si vous avez eune idée, meme si ché eune garnoule qu ale donne el' réponse j' le prinds quand meme, vla ti pas que l' dernier coup qu' j y vas, chéto vendredi, ale m a dit d' récuperer ché clefs del porte d intrée principale , et d' les ramn'er à mason, ouais in ch' momint in passe par ech garache pi la cuisine pour rintrer dinl' mason, eh euh commint vous dire, euh j' su géné d' vous dire, oh comminchez pas à rire ché garnoules, ché trop facile, j a perdu ché clefs d' l intrée......)

alors qui qu' vous soyez, jones , viux, zomme ou garnoule , si zavez eune idée, j' su prenneur, pasque grand mère ale gueule mais ale gueule ............

mi j'a bin eune idée, ales s'rotent pas dins l' boite à gant del carette à coté d' ché zaspirines...

ché pas bin d' eus' moquer d'mi (surtout qu ale a dit , oh j va aller vire dint' carette, ah j y a dis occupe te d' ti et laiche me cacher, eh i minqu' ro pu qu ale trouffe l' boite d aspirine , alors là perte ed ché clefs, plus l' boite d aspirine, diminche gaché)