ché femmes 4

là tout c'que j va vous dire ché l' vérité , j a rin cangé ni eune situation , ni un mot , TOUT Y EST VERIDIQUE et zallez vire que nous ché Zommes , in a du mérite ......

taleure j' carque l' carette à mort, bin seur, j a tout am'né dins l' grante pieche à coté del porte pour carquer l' carette plus facil'mint
j ouffe l' coffe et là grand mère ale s in va in haut, et mi j' reste in bas à batailler entre ché cartons, l' porte ouvrée sul' rue et ché tchiens et ché cats qui veultent faire un tour dehors, j' gueule un coup, grand mère ale déchint tout in maoulant mais ale déchint , ale met ché tchiens et ché cats dins l' salon, ale freume l'porte et j y dis d ' m am'ner ché cartons....
oh Papa, ti qui est au ciel, j' em' moquo d' ti et d' Manman quand té carquo l' carette pour aller à merlimont, mais té sais P'pa, té pu là , mais cha cange pas
j y dis de m' ram'ner ché grands cartons, ouais qu ale dit, ale ramene ché cartons et bin seur ché deux plus grands ché à la fin qu ale les ramene eune fo que tout y est carqué et que t espère deux tchiots cartons pour freumer tin coffe

bon té gueule un coup quand meme, té ardéchint eune partie del' carette, pi enfin ché pret
et ché là que té vo qu as' prépare avec l'tchiote à aller avec ti là bo, ti té dit "eh t attinds un momint que j' déballe là bo pi aprés t arriffe"
oh ale a l' répartie " t in profit'ra pour artrouver ché clefs " baf dint'guiffe minloute

bon j arriffe là bo, j' déballe tout dinch' garache, j'arfais eune couche ed peinture such' mur intérieur du garache, cha fait l'trosieme que j' armets d'puis ch' matin, courache mes gins , courache
pi eune fos tout arpeint , tout rangé, j' cache aprés ché clefs, j' foule dins mes vet'mints que j auro pu met' l' clef d'dins, pas d' clefs, j cache dinl' carette que j'profite ed vider, j' do avouer presqu un grand sac poubelle rimpli , ouais j a honte

pi j' eum' dit aprés tout avoir tout artourné, et rin trouvé , bin , ché rin in verra quand qu ale va v'nir, j' va boucher mes zoreles et pi ché comme l' cyclone ou l ouragan , i a bin in momint du qu' cha ch arrete .....

j attinds, j attinds grand mère, pas d' grand mère, j intinds bin des carettes rintrer d' temps in temps dinl' rue mais ché pas grand mère ....
bon j arfais un tour extérieur del mason, et là j' vos, nan pas ché clefs , j a fait eune cro d'sus, j' vos ou plutot j intinds qui a des coqs pas loin, ché agréape mes gins d ete dans un tchiot villache et qui a cor des cinses

bon aprés un momint , j in a marre d attinte, j a rinché ch' rouleau d' peinture dehors, tiens j' l a oublié oh bin cha li don'ra d' quo raler cor un cop, et j arviens ichi, pas d' carette à grand mère crosée sur el route

j arriffe ichi, et ale éto là , ale faijo l' baleine échouée dinch' canapé, et l' tchiote toute continte que j arriffe
bin que j' dis zetes pas v'nues ? là am' dit bin nan , j a compris que té voulos qu in t' laisse tranquile et qu in iro eune fo que té s'ro arvénu ......
j 'dis rin
et j y dit " pi té sais les clefs j a tout artourné et j a rin trouvé " et là j' verro cor s' tiete durant tout' m' vie, ale fait un sourire commercial et ale dit , j' les ai artrouvé.... mi j' dis trop rin d abord , contint que cha s'ro cha d' moins sur min dos et ale ajoute véridique " oh pi à un momint j' m a d'mindé si té les zavo quand meme pas donné, et j a ravisé dins min sac et là y a eune tchiote poche sul' coté et cha a fait glingue glingue"
j allo raler mais connaissez ché femmes suffit qu ale bompent un tchiot peu l' poitrine et nous in perd nos moyens ....
pauve minloute quand meme ....

minloute, heureus'mint qu't'as inne femme, passque té t'immerdros, sans elle, pi té geul'ros su qui, t'rinds compte un peu el vie monotone que t'auros ?