comme au théate ce soir

là mes gins j' va aller m' couquer bientot, quo djà ? mais ché un vrai co ch' minloute, nan, d'main lever 4h45 donc faut quand meme dormir eune paire d heures
pi faut dire avec les journées qu am' fait passer grand mère pour ch' déménag'mint , comprindrez que minloute i so mate es' soir.....
et in appelle cha des journées ed repos, bin brin ! mi j appel'ro cha des journées d'saqueux d'dins ....

donc es' soir mi j' tire ech' rideau, j a pas d' nouvelles ed marie claire , am' mote qu ale do cor cuver dins zin coin, l' diminche ché terripe , surtout pour ché vigins, as' print eune prone tous ché diminches, au début frette i avo pas compris ch' patois i m avo dit oh j' préféro qu ale prenne les deux pour pas faire ed jaloux, mais j a du li dire qu ' eune prone cha n avo pas d' rapport si in peut dire, in tout cas din s' t expression avec ché 2 réservoirs incrinqués sous sin raccord ed vélo......

nan mais ché triste y a des coups ale a des visions, tiens eune des dernieres, mais chut vous li répétez pas, souv'nez vous ale avo mis eune photo soit disant d eune biche qui v'no minger dins sin gardin .....
frette i m a rap'lé aprés chéto nin eune biche, chéto eune décalcomanie d' bamby qu ale éto sul' vitre del cuisine
chéto un cadeau quand qu't acate eune boite ed fromache du que l' vaque ale est continte meme si in la minche in plein d' quartiers
oh i m a dit frette, in a cor eu d' la chance, pasque si ale avo ravisé par l aute farniete del' cuisine ale auro vu dinch' gardin toute eune assemblée et qu ale n auro fait tout un plat chéto eune décalcomanie ed blanche neiche et les 7 nains

bon cor un coup j' m eloine du sujet, donc , j' diso pour réseumer, minloute i est mate, et donc comme ché comédiens qui ont fini leu représentation théatrale, j' tire m' révérence à la fin del pieche, " la pieche que j a eu le plaisir et l honneur d' vous interpreter ce soir était de minloute" "les décors de minloute" " les tenues de minloute"
in lisant cha j a qu eune crainte ché qu' vous zallez vous dire , i nous a raconté des cacoules avec s' n histoire avec ché clefs, nan, mes gins , que du véridique

allez mes gins j' va aller m' couquer j va aller m' couquer tout in respectant la règle des 3 c

Café,Caca, Clope..... allez mes gins , aprés tout cha , j' vous a ker tous et j' vous souhaite eune bonne nuit à tous et eune surtout eune bonne santé à vous et ceux qu' vous avez ker c est dit allez à d'main