ch'sapin d'avant
par annie62110 le, 19/11/2006ach't'heure quand in décore ch'sapin d'Noël y'a souvint plus d'boules et d'guirlandes que d'sapin
mi je m'rappelle du sapin d'y a cinquante ans, quand in l'rintrot dins l'maison chéto un even'mint, cha sintot bon et pou l'décorer chéto l'systéme D
ché guirlandes al zétotent toutes fines et y'n'avot qu'des argentées ou des dorées, ché boules chéto du verre, l'fléche qu'in mettot in haut du sapin aussi, y'avo eune paire ed fleurs in alu coloré, y'avo pas d'guirlandes éléctriques, mais des bougeoirs à pinches, in y mettot des tiotes bougies colorées, et in les allumot seul'mint l'soir du réveillon
et pour finir min père y faisot des flocons d'neige avec des tiots bouts d' coton hydrophile, pour mi ché l'plus biau sapin de m'vie, chéto toute el magie d'Noël!!