l'convocation d'l'institutrice
par LA CLO le, 19/11/2006J'arvos min père qui s'étot bien habillé pour aller vire m'n'institutrice. In est parti à deux, min père tout intimidé pace qui s'doutot de ch'quale allot dire. Comme j'travaillos bien à l'école ale voulot li espliquer que j'pouvos continuer les études au cours complémentaire (qu'in dijot à l'époque) à Lens, et plus. Cha paraît simpe d'nos jours in termine l'primaire in va au collège et la suite ; mais dins les années 50 pour eine file ed'mineur ch'étot un sacrifice pour les parints, i m'ont incouragée. Eine année j'ai mal travaillé in parlot d'redoublemint, oh cha été vite réglé, min père i m'a fait visiter eine filature à Lille. Té vos m'file si d'tin côté te n'travales pas etc, etc, vous z'inquiétez pas l'mos suivant ja rétos dins les premières. j'su sûre qu'in est gramint à avoir connu chette situation. J'ai compris in avinchant dins l'âge tous ches sacrifices qu'mes parints ont dû faire.