Les jardinsmet' cagoule
par minloute le, 21/11/2006ché in acoutant l' derniere canchon de miquaelle queule, ché un rape du qui parle del' cagoule
l' cagoule ché bin un vet'mint qui a presque disparu, in n in vo pu grinmint et pourtant j' me souviens qu' ché tchiote meme ech garchon qui a 18 ans achteure , i nin porto eune
nous aussi in in metto des cagoules, combien d' coups qu in a intindu met' cagoule pour sortir, nous in voulo pas , faut dire qu in allo courrir dinl' pature, et avec eune cagoule t avo vite caud ....
pi si t as fro souvint té cache ed bouque ed dins, ché pire aprés vu que ché tout humite quand que té l armetto normal'mint, t avo fro à tin cou
nan nous in avo eune astuce, in prenno l' cagoule , ah ouais sinon in risquo ed pas sortir, in l' metto normal'mint pi juste eune fos qu in éto dins l' pature, qu in avo tourné l' rue et qu in pouvo pu nous vire in l' metto autremint, in metto ch' trou del cagoule su not' tete, et cha faijo comme un capio d' trappeur .....
