Pou m' tiot' Francine
par Tizautes le, 22/11/2006Pou m' tiot' Francine
poésie de Jules Mousseron
Déjà cinq mois, pétiot' Francine !
Mon Dieu qu'les biaux momints sont courts !
Ch'est à peine si in s'imagine :
T'as déjà cent - cinquant' quatr' jours !
Ch'n'est pus l'temps où, frimouss' poupine,
T'corps, vrai bourlot informe et lourd,
Peint' comme eun' fleur in porcéline,
Grand'mèr' t'archevot dins s' n' écourt.
Comm' té grandis, mignonn' Cinette !
Comme' té souris à plein' fossette
In pratiquant l'sein dé t'maman !
Pou tin sourir', pou tes mill' charmes,
Mémèr', pépèr' t'adress'nt, in larmes,
L'pus douch' saquoi d'leu cœur aimant.
Epernay, 18 Septembre 1923