ch' poulet bis
par minloute le, 22/11/2006eune fos l' viante découpée, alors là , grand silence, parel, fallo pas qu' min père i bute dans eune caelle qu ale auro dépassée ach' momint là , in auro dro à .... ché cha mes gins j a pu b'soin d' l écrire
opération délicate, pasque min père i savo fait opérer quand qui avo eune vingtaine d année et i avo eune gampe raite, alors i boito, i fallo pas qui s' rétale à terre
bon eune fos ch' plat arrivé sans encombes sul' tape , ouf pour mi, i s asseyo, i s installo, i placho s' gampe raite sur un tchiot tabouret sul' coté del tape, et in avo dro à , parele j' le conno par coeur " alors l' blanc y est au miyeu, ché zailes et les cuisses tout autour" in auro pu li dire bin té sais si l' blanc y est au miyeu ché évident que l' reste, ché zailes et les cuisses cha do et' autour, mais jamais mes gins, jamais in a osé dire cha, ah nan , fallo pas rigoler avec cha
bon min père i éto assis mais m' mère ale éto toujours debout ale s occupo alors des légueumes , eune fo tout l' monte servi ale artourno dins l' cuisine ,et ale arveno avec l' sauce du plat , pi là , là seul'mint eune fo tout l' monte servi, ale s asseyo à tape avec nouzautes