oh ché femmes
par minloute le, 29/11/2006zallez dire minloute in l' vo pu , i met pu d' sujets , cha y est i pinse pu à nous
faux mes gins, tenez taleure, j avo ramné eune pleine camionette ed chosses pour el' nouvelle mason
bin faut ete patient mes gins avec ché femmes , camionnette carquée à ras bord, grand mère ale arriffe , in comminche à tout déchinte, oh la la minloute reste calme, ché femmes cha sait pas porter ...... terripe , mais minloute i a décidé d' pas s ' enerver, grand mère aussi, alors té sint que si chéto l été t intindro ché mouques ou ché betes d' orache voler dins l' pieche .......
in monte ech lit du grand , mi j ardéchints , pas grand mére , ale éto in train d armette ché pieds du lit, alors qui avo cor eune montane ed cosses à ringer, minloute reste calme, alors quo qui fait minloute, pasque li ché un Homme, zavez vu chez garnoules j a mis un H majuscule, et j espère que dins vot' tiete , quand qu in dit l' mot homme, instinctiv'mint mettez l' majuscule .......
bon mi j allo pas faire un mo crosé in attindant grand mère, j' comminche à planter d' zarbustes, ché ach' momint là qu ale ardéchint et là fallo vider l' camionette, mi j' eum laffe les mains, j avo plein d' terre et bin sur l' truc à sortir aprés chéto l' mat'las , et bin sur ale a comminché a faire un cinéma pasque j avo taché ch' drap avec mes do .... oh grand mère si té savo, minloute rest'calme, enfin in monte ech' mat'las, oh té comprins qu' ché femmes au volant ché un danger, cha ravisse jamais rin, ale éto in tete dins l escayer, ale pousso , ale pousso mal faut dire , un coup à esquinter c' qu ale avo djà accroché dins l' montée d escayer
j allo li dire eh grand mère té cro pas qu' té mets l' charrue avant ché boeufs, t installe toutes tes babioles dinl' montée qu' ché déménageux sont pas cor passés ...nan minloute dis rin , reste calme, so indulgent, ché eune femme ....
aprés ale vo un truc qui éto dinch' camion "mais pourquo qu' t 'a ramné cha , direque poubelle" qu ale dit ,eh t avo qu a faire ech tri, oh grand mère , l' sang i m a monté al' tiete, j a rin dit mais j a finqué eune cigarette ed rache ; tout cha avec l' tchiote dins les pattes , qui s' metto juste d'vant nous quand qui fallo pas
j' sais , j a du courache, alors comprenez que mi l' soir , faut que j' eum' rapure, su pas aidé , et j' diro meme, mais ale i peut rin , j' dirais faire un déménag'mint avec eune femme ché comme pour ché bidets qu in leur met un handicap, ché nin facile, mais in serre les dints, et in avinche ........