min villach'
par misud'roucourt le, 01/12/2006Mi j'su né à Roucourt y'a plus de 60 ans.
Roucourt ch'est un tiot villach' en limite de ch'pays minier à 10 km ed'Douai . Min pèr' y travaillot au qu'min d'fer des mines ; y a été accrocheux , pis après , garde-barrière à Guesnain, à Sin , à Dechy , à Lewarde...
Y a fait ch'métier là pindint 37 ans et y'a profité de s'retraite pindint 30 ans !!!
Après y s'occupot d'sin gardin et d'ses poules . Y est mort y'a 2 ans..
Je me rappelle quin j'étos tiot je l'veyos partir à vélo pis après à solex et pour finir dins les derniers temps à mobylette . Ach'moment là y avot pas de macadam , ch'étot des mauvais pavés et je m'souviens qu'pus d'eune fos y'a quéhu ; y rentrot à pied et pis y s'mettot à r'dresser sin vélo pour et' prêt à r'partir l'lindemain...
Ch'étot vraimint eun' aut' époque !!! Y'avot du courach min pèr' : jamais je ne l'ai vu avec un billet d'malade , toudis travailler du lundi au samedi .
Dins un prochain article , j'vous raconterai commint in passot l'diminche à Roucourt dins les années 50.