Les jardinschés frères Colin
par annie62110 le, 12/12/2006j'ai connu Thérese Louf, chétot l'bouchére à m'grand mére al habitot à coté de l'bouch'rie, mais comme j'habito à l'aute bout d'Fouquiéres, mes bouchers chétot robert et Jeannot Colin
y faisotent un paté d'foie et un saindoux j'vous dit qu'cha, y t'notent el boucherie avec leur mére Germaine et leur pére Léonce du coté d'l'hopital Ste Barbe y zétotent bin connus
ach't'heure quand j'passe par là, y'a pu rien, avant y'avot six épiceries, un boucher, un boulanger, un bureau d'tabac, trois cafés, un horloger, un tailleur un marchand d'grain, un marchand d'vin et spiritueux, eune coiffeuse, et un marchand d'instruments d'musique qui faigeot aussi professeur d'accordéon, et eune fleuriste, un cordonnier qui vindot aussi des souliers et pour finir el pompe à essence shell
ed tout cha y reste deux z'épiciers, l'tabac et l'boulanger, ché l'desert, ché grandes surfaces al tuent tout ch'tiot commerce
ach't'heure si t'as b'soin d'eune bricole, te l'trouves pu à coté de t'maison, et les gins y's'parl'tent pu, ché tout juste si y s'disent bonjour, avec l'perte ed ché tiots commerces in a aussi perdu l'contact avec les z'autres
quand in parle de l'vie d'avant, in est obligés d'argretter l'animation qu'y avot din tous ché quartiers in perd tout c'qui faigeot nos souv'nirs, et mi cha m'rind triste !!!!!
