Jules Ferry filles à Fouquiéres lez Lens
par annie62110 le, 03/05/2007aujourd'hui j'ai r'monté ch'tiot quémin qui conduit à l'école qu'j'ai quitté y'a 50 ans vous savez du temps ou chés filles et chés garchons y z'avotent chacun leur cour, et y'a presqu'aussi longtemps qu'j'avos invie d'y r'tourner
bien sur cha a gramint cangé
chés batimints y zont été rénovés, mais j'ai r'vu toutes chés classes dù qu'j'ai été, et surtout l'cour ed récréation, et cha m'a fait plaisir ed vire que ch'préau i est toudis al même plache et qu'y a toudis des grands arpes
vous savez cheux qui donnent ed l'ombre l'été , d'min temps ch'étot des tilleuls, l'hiver in étot jamais sans tisane al maison, quand ch'étot l'momint que ch'tilleul i queyot d'chés z'arbres, in rimplichot nos poches ed tablier
ch'est un r'tour dins l'passé qui m'a fait plaisir, in étot quand même bien à l'école !!! aussi quand j'intinds chés jeunes dire qui n'ont marre, je m'dis qui pins'ront sur'mint comme mi in vieillichant !!!
http://fouquiereschf.free.fr/histoire/ecoles/ecole4.htm
L’histoire de cette école aussi nommée école du Transvaal
( 1 photos)