Les jardinsch' zelections partie 2
par minloute le, 24/04/2022Ch'est l' tour à manman, ale print ché papiers sul' tape et va dans l'isoloir
Mi j' reste sul' coté , mais j'a pas l' temps d'attinte, papa y arsort déjà
passage à l'urne, mi j'raviso d'un coin d' leule, comme j' dijo avant "momint solennel" ..
Manman ale a voté aussi, on arsort rapid'mint, comme si in artrouvo la liberté, la liberté d' pouvoir discuter ...
Et bin sur papa i artrouffe dans la cour quéqu'un à qui parler ...
On arpart vers la maison, in route in va cor croiser des gins, manman ale les za pas trop ker, des vraies babelles ....
Alors ale a prév'nu discret'mint papa ...
"Si té veux minger à l'heure faudro pas trop trainer "
cha ch'est l' type d'argumint que Papa y éto très très sensipe ......
Au soir , au poste, in apprind que Pompidou y a survolé ché débats comme in dit , j'a du maux à comprinte avec toutes ché zaffiches Poher qu'in pouvo vire partout dès qu'in l'vo les ziux quequ' part ...
Les années ont passé, mais j' do vous dire que pas plus tard que ch' matin, quand que ch' monsieur qui teno l'urne a dit "a voté" eune fos que j'a mis min bulletin, j'a eu , comme chaque fo un pinc'mint au coeur ....
Comme si min père im' dijo comme i m' dijo djà quand qu in arveno d'aller voter en arprenant c' qui éto marqué sul' carte , "voter , ch'est un droit mais ch'est aussi un devoir civique "
Alors ch' matin, j'a fait min devoir ...
