Les jardinsle lilas du jardin
par minloute le, 20/04/2022Infant ou adolescent, j éto pas grinmint attiré par ché fleurs.....
Ches fleurs chéto pour ché garnoules.....
Quo que , j' do dire qui yavo quand même 3 fleurs que j'avo ker sintir
d'abord pasqu'ale atterisso sul' tape d' la table à minger .....
Souvint offertes à des momints précis ....
La jacinthe offerte par ma matante l’deuxième diminche du mois d' janvier
j'avo ker sintir ch' t'odeur dans l' mason, signe précurseur que même si l'hiver y est loin d'et' fini , on comminche à et 'sul' bon chemin ...
Après chéto le mimosa , que bonne odeur aussi, cha chéto offert par Clara , l' tchiote cousine à min père ....
Après dans l' gardin y avo le forsythia et le pommier du japon qui donnotent ché premières couleurs printanières ......
Mais manman, c' qu ale préféro chéto le lilas, d'ailleurs y en avo des blancs pi un mauve dinch' gardin
Ale avo ker l'odeur , ale l'avo ker aussi, pasque souvent chéto papa qui li en avo cueilli
Et cha m' mère ale y éto vraimint sensipe ...
Alors bin d' zannées plus tard , quand qui a fallu mette des zarbustes dinch' gardin, Lilas, forsythia et pommier du japon y zont été ché premiers à printe plache al' mason...
( 1 photos)
