Les jardinsch' corned d ' bif
par minloute le, 05/07/2022mon diu qu' j avo ker in minger du "corné d' bif" .........
rin qu à l ouverture del boite, j adoro cha...
fallo printe l' tchiote clé qu ale éto collée sur ch' coté, ouvrir l' boite et là manman ale metto cha dins eune assiette creuse .......
ale in faijo des tranches,
mi j' preno m' tiete d' cocker comme ale dijo, et ale m in donno un tchiot morciau à minger à l avinche ..
morceaux d oignons, vinaigrette, un coup d' poiv' d' sur, et chéto pret ...
cha y est in pouvo passer à tape, l' temps d' s installer, manman ale sorto ché frites del friteusse et in n avo pu qu as' régaler .....
ch' corné d' bif si té metto ché frites d' sur cha li cangeo sin gout , mi j avo ker l' faire
acoutez , corned bif frites avec un verre d' biere d' tape , mon diu qu' chéto bon ......
sul' boite ch'est marqué "viante d' boeuf selectionnée" ......
mi j' veux bien , mais j a vu y eune paire d années commint chéto fait, "viante selectionnée" ...
ch'éto loin d'ete préparé ave ché meilleux morciaux.......
grinmint d' tendons, et d' nerfs et j do dire que cha m a un tchiot peu arfroidi ...
faut dire aussi que j' éto un peu babache, nos taions qui étotent dins ché tranchées en 14 i z appelotent cha "du sinche" , signe que djà à l époque certains s' demindotent avec quo chéto fait ....
