Les jardinsquo qu in va minger s' soir ?
par minloute le, 18/07/2007cha y est i fait pas bio, alors mi j a d'mindé a grand mère que s'soir am' fasse des pétotes au four, avec un morceau d' lard fro , des cornichons, du beurre, del moutarte, m' vla chi tranquile , j in d'minte pas plus
mi y a un truc que j argrette qu in minche pu ché le lachiparmentier , ah le lachiparmentier, avec ché restes ed viante qu in passo dins l' grosse moulinette à main qu in avo coinché dins l' bord del tape ........
mi j adoro pluquer un tchiot bout d' boeuf d' bouillon fro et l' minger comme cha
achteure, in minche pu parel, in fait pu des plats pour dousse si in est chinq, in perd l habitute ed minger du récauffé et pourtant l' récauffé ché souvint meilleu que l' premiere fo
d ailleurs i zozent vinte du lachiparmentier tout fait, meme cong'lé, hérésie mes gins hérésie .............
mi j avo ker tous ché plats mijotés, boeuf mode, boeuf mironton, daube , j a toudis ker d ailleurs des plats qui étotent cuits such' fourneau, tout douch'mint, qu in metto in route bin avant l heure ed minger , et qu cha imbaumo dins l' maison , quand qu in rintro in savo c' qu on allo minger, ou meme si in poso l' question in savo que cha allo et' bon
achteure in vit pu del meme façon, in est plus pressé, faut dire aussi que ché femmes ale zont plus d' temps pour elles, et y a des corvées qui disparaissent, pasque j' sais nin si vous vous souv'nez simplemint del corvée, pasqui fallo parler d' corvée rin que pour faire l' lessiffe i fallo eune journée complete
