Les jardinsl'rentrée des classes à St Amé à Liévin
par kiki le, 05/09/2007Bonjour mes gins, comme Minloute le dit, l' rentrée des classes arriffe à grind pas, dins chés grinds magasins chés rayons papét'rie i sont pris d'assaut, tous chés jones i queurent dins tous chés sens ch'est un' vrai fourmillère et tous l' z'ans ch'est parel.
Et pi y a ch'timps qui n'est pas formidape in ch'momint, ch'a m'a fait arpinser à un' photo d'rintrée d'classe, dù qu' j'avos 7 ou 8 ans à ch'époque là , al avot été faite d'ssus les marches de l'église St Amé au 3 de Lens, l'école des garchons al étot juste à coté.
Mi j'sus in bas à gauche el deuxième et toultimps avec min béret d'ssus tiète et min cache-nez autour d' min cou i devot pas faire caud, j'cros bin qu'in devot s'récauffer in serrant chés rangs, in étot nombreux, in vot bin qui in manque un' partie d' l'aute coté, ech photographe y a pas pu prindre toulemonte, in ch'temps là i avot pas des grinds angle comme objectif.
Sur ce j'vous dis vive la rentrée j'cros bin cha va ete in peu plus calme dins chés rues d'ssus l'soir.
( 1 photos)
