le Cabaret Rouge
par minloute le, 06/11/2007bien camuchée, à l abri des vints d'Artois
dins l' haut del cote en v'nant d' Souchez
ché l' cinse du Cabaret Rouge , que là
sam'di midi qu in a été minger
ché nin un restaurant, ché mieux qu' cha
ichi pas d'menus avec du tralala
pas d'sauces espéciales, ni d' plats exotiques
rin qu' du naturel, mais t attrapes pas la colique
ichi rin qu' du simpe comme qu on mingeait avant
qu'in a tous mingé, al' tape des grands parents
en entrée, tarte aux porions, l' spécialité du coin
pas du supermarché, mais du fond du gardin
t' in minche eune bouchée, teu t arretes d un coup
ché porions cha fait drole d ' artrouver ch' vrai gout
pi après chéto del canette, in plat principal
que vous dire mes gins, sinon un vrai régal
mais l' pire ché ch'qui a arrivé aprés
l' garniture, pétotes, carottes et ché fameux navets
des navets , mon dieu que malheur !
cuits dins ch'jus d'puis eune paire d' heures ...
comme un tchien sur un oche, j' m' a j'té d'sus
et pi si tin voulo cor, qu' à la fin j in pouvo pu...
pi salate , fromaches, accompagnés d' bons vins
j a été printe l' air, sinan pour mi chéto la fin...
j a quitté l' chaleur del ' pieche, faut dire qu in éto nombreux
eh eune réunion d' famile, cha in fait des heureux....
pour armonter sul' route juste un peu derriere
et rintrer comme cha dinch' fameux cimetière
t as quitté l' joie et l' bonheur ed 'l' auberche
et ton coeur ichi un tchiot peu i gamberche
là, interrés à pert' d' vue, d' jones soldats
qui devottent intinte nos rires arriver d' in bas
eune vingtaine d' années in moyenne pour leur ache
sont v'nus mourrir ichi face à Vimy, avec courache
t'ardéchins au Cabaret Rouge, t'ouve l' porte
et là ché ché desserts que l' dame ale apporte
d' un coup t'oublies tes pinsées et té va t' assir
minger des tartes comme cha ché un sacré plaisir
mi j' courre pas aprés tous ché desserts
que dire mes gins del tarte à la biere....
pas épaisse l' tarte, in s'dit au premier abord
mais un gout j' vous assure, qui vaut sin pesant d'or
parler du bon minger , cha fait pas qu un bon repas
que dire ed' l accueil, madame , chapeau bas
teut' leffe ed tape, té sais qu' t as bin mingé
tin vinte i gargoule pas, té vraimint pas balloné
teu sais que l' digestion cha va et' du nanan
qu' t'as mingé comme y a bin longtimps avant
chéto tout simpe, c'qu' in a mingé zavez vu
mais pourquo comme cha insister là d'sus ?
ché qu' au Cabaret Rouge, chéto comme un r'tour in arrière
allez, v'nez gouter à ché navets et les pommes de terre...
( 5 photos)