dins ché boites ed chaussures

dins ché boites à chaussures in metto souvint dans l' temps ché photos et là j' su in train d' trier et j' vous avoue que j a du boulot , toutes ché photos anciennes que j a
et d' toutes les branches del famile
faut dire que comme ché mi qui a plutot l' fibre familiale, que j arfais ch l arpe généalogique , ché mi garde tout

alors y a des coups j' rache, pasque derriere ché photos i a pas l' nom des personnes et ché pour mi des personnes à jamais oubliées, ou alors faut d ' sacrés concours d' circonstance pour les zarconnaite aprés, allez j' va cor m eloigner du sujet mais ché pour y ar'vénir taleure
donc j a rincontré grace à un avis d' recherche such' site eune personne qu ale est aussi d' eum' famile, famile éloignée achteure, mais famile soudée , y 120 ans , direz 120 ans cha fait un bail, mais ravisez djà l ' age qu' vous zavez et vous direz que cha fait pas si viu qu' cha, j' dis pas que such' site ché tout des viu, mais y a quand meme pas mal d artraités ou d' futurs artraités
donc j avo eune photo que j' savo pas exactemint qui chéto d'sus, et grace à des photos d' la personne que j ai artrouvé, bin j a pu met' des noms sur des visaches

bon j arviens à min sujet, out' les photos sans nom derriere, et qu in sait pu qui est qui d' sul' cliché, i a aussi d' autes mystères, comme les photos découpées, alors quand cor ché fait propremint , te peut' dire bin zont récupéré un bout pour in faire un portrait et l' met' dins zin portefeule, cha s' faijo aussi beaucoup avant, pi y a les photos du qu' t eut' dit , vu commint cha a été fait , y a du y avoir du brin dins l' tale pour supprimer l' aute moitié del photo , voir piece jointe