not' vie intime avec grand mère
par minloute le, 22/01/2008ouais faut in parler, d ailleurs ché al' mote, dins ché journeaux, al' télé faut dévoiler s' vie privée
vla l histoire, i parait qu' minloute i ronffe, oh j' vous intinds tous ichi , dire "sacrilèche, ché pas possipe", j' su d' vot' avis aussi mes gins, nan i parait que j'fais oh commint cha s appelle ché comme ché zadolescents qui ont des boutons, ouais mi j' fais d' l apnée, oh j in conno in aut' du coté d' marles qui est champion du monte et qui pourro juer dans l' grand bleu........ mais i parait qu' mi ché pas mal bon mais j' fais pas d' bruits mi
mais acoutez min calvaire, cha fait presque 22 ans qu on est ensempe, bin in arriffe pas à li faire admette qu ale ronffe grand mère, et pourtant ché jones i sont là pour l' prouver , nan al' le cro pas, tout l' caractère des' mère , à pas admette l' évidence, mon dieu que malheur , sainte marie joseph qu ale d'vienne pas comme es' mère , là cha d' viendro un ch' min d' croix ...
bon y a deux nuits grand mère am' tappe el nuit et pas des caresses ah nan , comme si j arcevo un coup d' pelle à neiche ed dins min dos, pi avant que j' puisse arprinte min souffe vu l' douleur du coup , ale crie dins m' n' orelle, "té ronffe, y n a marre , in va faire chambe à part si cha continue et patati et patata " quo qu'j a fait , j' l a pris à pleines mains et j l a invoyé baller in bas d' l escayer, min oreiller
pi j a fini such' canapé, et j allo commincher à m indormir quand que j intinds un bruit d' mobylettes qui passotent et arpassotent dv'ant l' mazon , j allo m' lever , pi là j a intindu que cha v'no d in haut, j m a dit i a quand meme pas l enduro du touquet dins l' champe ....nan chéto grand mère al' ronflo comme pas deux
que vie minloute mais que vie , j' sais mes gins , mais zavez vu j' souffe toudis in silence , jamais j' me plains sur mi , ah nan j' su pas un brayou ......