quentin gane la starac
par MINLOUTE le, 16/02/2008oh mi j' su contint que quentin y a gagné l' starac ! cha auro été mathieu , j auro été aussi contint, mais l' important ché que cha so fini ...
fini quand que té rintes du boulot plus tot et que t eut' dit ah grand mère ale va et' étonnée et dire "ah ché bien té rinte plus tot" et que t ouffes l' porte , y a qu' ché tchiens qui abo, vous m' direz si grand mère ale aboayo , cha s' ro graffe .......
nan l' vie ale s est arrétée, ti t arriffes tout contint , té pose tin sac et té dit un tchiot peu fort "bonjouuuuuuuurr!" et là t as deux tietes qui dépassent du canapé qui s artournent ensempe pour dire aussi fort "chhhhuuuuuuuuuuutttt" et aussi sec ale zartournent leu tiete vers l' télé vers niquosse , ch' bio gosse qui commente, eh comme j' dis y est comme tout l' monte i a du brin à sin cul, mais j ai dro alors à un second "chuuuuuuuuuuutttt" d' la part d eume femme et d eume file ed 7ans.....
ti té comprinds que té d' tro, bin teut' dit j' va téléphoner , alors in t'fait comprinte qui faut que t ale avec ch' portape dinch' gardin ou in tout cas que j' vienne pas troubler ché jones "artistes" qui des coups qui cantent comme des castroles ........
alors té print tin mal en patience, cha dure qu eune heure quale dit, ti t as tes boyaux qui gargoulent et m' viele soeur grabataire, ale pourra que dire comme mi, que si minloute i a pas sin vinte plein, i d'vient un tchiot peu énervé ...... alors ti tuet' dit cha y est y a l' générique d' fin qui comminche , a vont s' lever, nan ale ravissent jusqu al' derniere note, qu aprés ché l'publicité cofidissse
ou plutot j' devro dire co fi disse ! avec l' meusique , et là grand mère as lèffe et ale dit "quo que j va faire à minger ?" cha veut dire qui a rin d' pret, et là minloute i va querre d' inanition , pasque faut l' nourrir el bétal....
cha ché ch' premier cas, deuxieme cas, ale a fait à minger, mais mi j a interet à surveiller ché gamelles, sinan ché du carbonisé , eh in peut pas raviser l' niveau d' jus dins eune castrole et raviser sin bertrand, ouais bertrand, ch' noir sympathique , que m' femme ale rigolo toudis quand qui parlo , tel' mint y éto comme désinvolte, alors j a connu l beu bourguignon cramé sans sauce, l' io qui déporde del castrole , l' riz et les pates que si j avo eu des scel'mints à faire pour ech portail, ou couler eune chape ed béton , chéto juste à consistance ...... ou alors ale nous faijo un tour d' magie, l' temps qu in mette el tape avec l' tchiote l' plat i eto fait, pi des espécialités qu ale arrivo à faire in in tour ed main : cassoulet , lasagnes, pizza, crépes fourrées, friands, raviolis et mi j' dis chapeau, pasque tin in print que ché raviolis, in chinq mineutes, arriver a faire l' pate, fourrer ché raviolis, faire eune sauce tomate, faire cauffer et servir, bin y a eune paire ed cuisiniers d' renom qui saurottent te pas l' faire ...
cha y est ché terminé, hier j y a mis dins les dints " ah cha y est in va pouvoir minger normal'mint l' soir " am' répond "mais j' cro bin que popestar sur la 6 cha va commincher" bon alors j' voudro faire un appel , si zavez des restes d'repas l' midi , vous faites un colis et zinvoyez cha al' mason mais qu' cha arriffe ente 18h et 18h30
comme j in conno qui vont cor maouler in dijant minloute i arcritique cor s' femme , j' do avouer qui a un plat que la staraque cha l arrinche, ché les pétotes cuites au beurre et à l ale , que ché tout juste un tchiot peu brulé in d'sous et que ché super bon
mais savez comme ché quand meme délicat d' faire cuire des pétotes à l ale dins du beurre sans surveiller l' cuisson, mi j a chronométré l' temps qui fallo inter l' momint qu ale arclaque ch' couverque sul' castrole et la fin de la staraque, pasque comme j y dis, i pourro querre du brin dehors que té l' verro meme pas
donc j arviens à mes pom'tieres que j a chronométré ch' temps, bin achteure juste au momint qu in intind co fi disse, ché cuit
commint que j a fait ? tout simpe sachant qui fallo un certain délai et j'diro plutot un délai certain, j a appelé niquosse et i zont arpoussés l' publicité d' 18h30 d' chinq mineutes , chéto eune question d' vie ou d' mort, i l ont fait , eh là t avo pas b'soin d' raviser l' castrole ou d' sintir que cha brulo , cha tombo tout juste bien, merci niquosse....