l'histoire d'eune queue d'pie
par annie62110 le, 03/04/2008dins les années cinquante em grand'mére qui v'not de l'région d'St Omer al avot été app'lée pour vider eune grande maison bourgeoise ed là bas, al avot ram'né des meubles et des bricoles qu'al avot partagées entre ses infants!
papa i avot eu eune chambre à coucher, des belles chaises, des caisses ed livres
mais l'plus bizarre pour mi ch'étot un capio claque et eune queue d'pie in bon état, avouez que cha dins l'maison d'un mineur ch'étot plutôt curieux
min pére il les a bin ringés, i s'doutot pas qu'eune paire d'années plus tard i les aurot portés, élu maire de l'ducasse du cocorico par ch'comité des fêtes, i a pu enfin infiler l'fameuse redingote à pans et ch'capio haut d'forme, et d'puis j'suppose qu'étant donné qui leur avot laichés, bin i sont p't'étre core quequ'part à Fouquiéres les Lens
avouez qu'avoir fini s'carrière dins ché corons pour des vêt'mints d'luxe fallot l'faire !!!