Les jardinsin va visiter min quartier partie 3 l'école loubet
par minloute le, 30/07/2005ah l'école Loubet , comme tous ché tchios j a comminché non à l école des garchons , mais à l'école des files, vu que chéto là qu éto l' maternelle, et i s'doutotent qu à 4 ans in avo pas eune libido débordante .....
pi chéto bin, al'récré chéto que des garnoules alors ale zétotent plutot gentiles avec nouzautes, chéto pas l' cas d' ché maitresses, enfin j' dis rin d'mes maitresses que j a eu, madame Facon aidée de madame Froment pour l' premiere classe et madame Dupin pour el' seconte classe , elles , elles étotent gentiles , pas des pizinques comme diro m' mère .........
j' eum' souviens d' min premier émoi, eune fo que madame Dupin ale éto au d'sus d' mi pour raviser comment que j écrivo et sin parfum i m' avo j' diro pas ennivré mais chéto bon à sintir .........
pour m 'habituer à l'école, m'mère ale mi avo conduit à la fin de l'année escolaire d avant pour que j' m'habitue, elle me diso ravisse ché ichi que té va aller ché bio hein, j eule met un patois mais m'mère ale le parlo pas , l' grand porte ale éto ouverte pas comme sul' photo , et chéto calme, j a dis que chéto bien, mais j' me douto qui avo anguile sous laine de roche qu in diro achteure
( 1 photos)
