Les jardinsch'jeu d' fléchettes
par annie62110 le, 13/04/2009dins l'cour intre chés cabinets et l'étolette y avot un clo ! et ch'clo là fallot pas y toucher i étot à l' bonne plache et à l'bonne hauteur pour accrocher l'cible de ch'jeu d'fléchettes !
quand in avot de l'visite ou eune réunion d'famile papa i sortot ch'jeu et chés fléchettes et chés z'hommes i juotent pindant des heures, si i faisot biau cha cangeot de l'belote ! bin sur nous ché zinfants in pouvot pas y toucher, mais mi j'aimos bin compter chés points et comme ch'étot tous des bons jueux ch'étot souvint serré !
cha faisot partie de l'vie du mineur, j'cros bin qu'min pére i l'a gardé tout s'vie sin jeu, il étot plein d'tros fait par chés fléchettes il avot bin vécu !
ch'est des souv'nirs qu'j'aime bin cultiver cha fait partie d'chés traditions d'chés corons des mines !
