derrière la colline de Xavier Hanotte
par minloute le, 01/12/2009j a arlu y a quequ'jours le liffe de Xavier Hanotte "derriere la colline" , ché en simplifiant à l extreme, l histoire d un jeune poète engagé britannique au cours de la premiere guerre mondiale
il combattra du coté de Thiepval
un liffe pas facile à lire j en conviens , un peu dérangeant, un liffe où l écrivain dev'loppe un style, j' vous avoue qui faut s accrocher ché 30 premieres paches, impossipe à lire in diagonale , surtout pas pasque ché au détour de phrases anodines qu in comprint miu l' facon d' réagir du personnache
in tout cas i nous décrit à un momint sa compagnie qui est prisse sous l'feu d' l action , acoutez j in a des liffes al' barraque d' témoignaches sul' premiere guerre mondiale, du coté francais comme du coté allemand, rar'mint j a vécu comme cha eune scene d' tranchée (aussi dans orages d acier de ernst junger et dans les carnets de barthas ) j in éto scotché à min liffe
c'qui m a l' plus touché ché que le héros du liffe i va aprés la guerre s occuper d' l entretien d un cimetiere militaire britanique en france , et là aussi ché décrit avec eune finesse ........
j' mets in piece jointe une photo du cimetiere du cabaret rouge in haut d' la cote ed souchez, un très biau cimetiere
( 1 photos)