ch' revel
par minloute le, 21/12/2009grand mère ale a récupéré des chosses qui avotent appartenu à eune d' ses matante, qu ale décédée y a 2 mos.
et m' file ed' neuv'ans ale a voulu récupéré un rével , savez un revel comme dins l' temps , pas avec des diotes, des cristaux liquites , nan du naturel , d 'l ancien; du solite
nous ché surtout l' fait que che so solite qui a fait qu in li a donné
pasque chelle là ché eune brisaque ...pire qu' sin frère, j' sais pas commint qu ale fait , ale print un truc et un quart d heure aprés té l intind dins ch' couloir "manman, ch' truc y marche pu" "manman , ch' truc i fait un drol' ed bruit" cha c est s'formule préférée, ale dit pas que ch'truc i est cassé , nan, ale arringe cha as' sauce ...... ou cor " manman , j' sais pas c'qui s a passé mais....." jamais des' faute jamais
l' preuffe l' meme jour qu ale a eu l' rével, ale a récupéré aussi un pouf, ch' pouf i avo 40 ans , bin y a fait chinq mineutes avant d' finir à l ateyier couture pour opération à coeur ouvert "j'sais pas commint cha a fait mais i s a ouvert d un coup" am' mote ale a du printe cha pour un ballon d' rugby
zallez dire , bon ech' rével ? ale la démonté in chinq mineutes ? bin nan Y EST COR INTAQUE un vrai miraque ,
intaque , pas eune boche, l' vite pas pétée, y a pas quéu à tierre , nan
à croire que ché l' miraque ed Noel, l'lend'min soir ale le rindo et là j' a pris un coup d' viu
j' vo que ch' revel i éto arrivé dins l' salle ed bains , tiens j' dis y a deux solutions so y est cassé et ale in veut pu so ale la oublié
j' l' appelle et j' i d'minte pourquoi que l' revel i est dins l' sale ed' bains , j éto sur qui éto cassé pasque i éto arrété
am' dit , "nan j in veut pu pasque ché piles i doffent pas t'nir y est djà in panne" alors j' i monte qui faut printe l' rével d eune main pi tourner l' molette ed droite au dos du rével, qu ale m a ravisé in m' dijant , "ffffouu, alors faut l armonter tous les jours ? " "ouais " que j' dis tout fier, "bin j in veux pu ché trop dur"
zimaginez cha vous, trop dur ed' tourner l' molette , nan mais du qu on va ..
j allo li in met' pour sin grate et là ale a rajouté tout in tournant ché talons "d' toute facon , i fait trop d' bruit la nuit"
tic tac tic tac, cha fait trop d' bruit ...j a pas arlévé alors j' la mis dans l' champe et là grand mère ale a dit "té va pas laisser cha ichi , cha fait trop d' bruit cha m énerfe"
alors j' la mis dans l' champe du qui a pas personne, mais faudro cor que j' pinse tous les jours à l armonter sinan i va pas souvint donner l heure exacte , j' sais déjà c' que vous allez dire, meme arrété i va donner l heure exacte deux fos dins l' journée
je l' sais mes gins , je l' sais....
j'ai jamais pus supporter el bruit du tic tac. cha m' tappot sur les nerfs, el pus pire ché quand i sonnot in aurot dit un trimblemint ed' terre. défos i dégringolot un bas d'el tape ed' nuit. pour pas ete imbêté j'el mettos in d'sous ed' min lit. comme quoi el progrès i a parfos du bon. asteur in dort pus tranquille.
un cop j'in ai racaté un chez Emmaüs pour el plaisir et sans rien dire ej sus allé el mette dins l' champe ed min garchon, ej l'ai jamais artreuvé...