pas miu que Jean Pierre Pernaut

Ché min avis , mais à midi si vous voulez acouter des zinformations, mais sans avoir d informations , faut raviser l' journal' d' tf1 d' Jean Pierre Pernaut

Chacun sin avis mais ché toudis la meme chosse , allez eune série sur eune semaine su l'gavache des oies, le marché aux truffes, les santons d' noel, ché décorations, etc .....

a'm' mote que j' dis souvint à grand mère qui pourrotent printe des sujets des années précédentes et les mett' chaque année, in l' verro pas

à part quand meme y a eune paire d' années que meme si ché sujets chéto les memes qu asteure, yavo un journaliste alsacien qui s appelo Robert Werner et là rin qu in acoutant les commentaires, t éto transporté

un journaliste poete , chéto vraimint bien fait

in arvient au sujet d' min sujet, j' va donc faire comme Jean Pierre Pernaut et vous souhaiter comme chaque année ..................la bonne année

bon coté cartes d' voeux par Emile, j in a fait 25 ch' t année , ché tout invoyé , et à premieres vues, j a eu l' avis de Frette l' mari d' Marie Claire qui a aimé s' carte , faut dire comme j' y a dis j' m applique ........

alors meme si ché l' meme chosse chaque année, in peut que nous espèrer eune bonne année, eune bonne santé, du traval pour certains, d' pas perde l'leur pour d' autes, un peu d' sous sous in plus dans la popoche, enfin plus que ché zaugmentations qu in va s'printe au début d' l année pi par la suite

comme chaque année, et j' diro d' plus en plus , faut dire qu in rajeunit pas , meme si Marie Claire ale voulo faire un tatouache d'mi sus' n épaule , à quo j y a répondu , in tout cas fait le pas d' profil pasqu avec min nasiau , cha va ' printe les deux omoplates ...............

bon j arviens à "qu in rajeunit pas" ,cha m arvient d' plus en plus précisément ché souv'nirs là

bon cha va vous faire del lecture surtout à ceux qui sont tout seu c'soir, croyez pas in n a plus qu in pourro pinser
l' nouvel an, chéto pour nous quand qu on éto tchiot ,eune "drole " ed fete, ah chéto pour nous moins intense que la Noel ché sur, chéto moins féérique surtout

et surtout j' vous jure d'puis que j' su tchiot et cha dure toudis, j' comprinds pas les gins qui sont contints qu' on cange d' année

zallez dire minloute i est trisse, in tout cas mi j a jamais été imballé par le theme meme de ch' t évén'mint ...

bon cha m a pas interdit d' printe des cuites que j armonto la cote des grands bureaux in faijant du slalom espécial, la visibilité ale éto basse, comme si y avo eune tempete ed' neiche devant mes ziux mais ch' jour là y avo pas d' neiche , in pourro parler aussi d un truc bizarre, j' su sur que zavez constater cha aussi un jour

expliquez me pourquoi ché toudis plus facile d'fremer l' porte in partant réveillonner, que quand t arviens t as l impression que l' serrure ale va un coup à gauche un coup à droite et que t as du mau à met' l' clé dinch' trou

et cor mi j' me souviens aussi que j' voulo pas faire ed bruits in rintrant, j éto pas à min coup d essai , j' l avo dja fait in rentrant un aut' soir, j avo eune fiat 127 et pour sortir del' carette chéto dur alors pour s appuyer j' m appuyo sul' miyeu du volant

j éto tel' mint plein que j' appuyo in fait sul' klaxon mais j' min rindo pas compte ...

l' nouvel année chéto pour nous pas beaucoup d' cadeaux , ah si au matin m' mère al' m offro l' boite du fumeux, cha cont'no cigarettes , briquets, tabacs , ah comminchez pas à attaquer ma pauv'manman , chéto tout in chocolat sauf eune pipe qu ale éto tout in plastique l' fourneau i éto jaune et l' tupe tout rouche

ch' jour là au matin m' mère am' servo eune tasse ed café que chaque fos j' me dijo bon ch' t année j' va aimer cha, comme si l' fait d' canger d année j allo avoir ker eune boisson que j ' bo asteure, mais quand qui en a d'servi sans quo j y pinse jamais

j arviens quand meme au "fond'mint" d' min sujet, si y a "fondmint" d ailleurs , ché plutot eune reflexion philosophique presque :
à l' nouvelle année in allo souvint minger ché m' tante, et y avo la bas pas mal ed générations qui s artrouvottent insempe
m' grand mère , min grand onque et s' femme, j'cro bin m' souv'nir qui y avo l' cousine à min père

pour nous l' nouvel an, chéto pas les cadeaux qu in archevo par ché viux , chéto l' dringuelle, ouais mes gins des pieches et meme un ptit billet ......... qu in l'voyo pas longtimps que not' mère ale faijo main basse ed sus comme gérard majasque , in nous dijant "j' t' le prints pasque té va l' perte" chéto pas faux non plus d ailleurs ..

alors quand qu on faijo les voeux, nous ché tchiots chéto l' corvée, in dijot presque en cantant "bonne année, bonne santé" , que formule nunuche qu in s'dijo , ou alors in dijo comme ché zadultes " eune bonne et eune heureusse, eune longue et vigoureusse" in compreno pas cor l' coté rigolo d' la phrase mais à vire ché gins s arringer pour et' l' premier al' dire aux zautes, alors nous in l'diso nan in l' crio et cha devo vraimint cor et' plus rigolo quand chéto nous rin qu à vire leu tietes ach' momint là ....