l' lessif' à l'incienne
par Lucie Krawczyk le, 20/01/2010Quind j'étôs tchiote, avint, y' avôt pas d' machine à laver "électronique comme 'jourd'hui ! M' mère faijôt bouillir d' l'iau dins eunne lessiveuse sur ch' fû, pis elle l' déversôt dins l' baignoire pour rincer ch' linge lavé !
Ch'étôt un sacré traval pou' chés femmes d' mineurs ! Y fallôt bin séparer ch' blinc d' chés couleurs, et surtout faire à part chés loques d' fosse d' min père !
Quind elle a eu s' première machine à laver "automatique", ch' n'étôt pas 'cor l' grind progrès ! Oh non !
Chà n' se vidôt pas tout seu' !
L' lessif' prénôt toute eunne journée !
Avint d'avoir ch' machine "automatique", elle a eu eunne lessiveuse-batteuse avec eunne grinde roue qu'elle actionnôt pou' l' faire marcher !
Quind est v'nu l'automatique, l' lessiveuse-batteuse a atterrit dins l' cour et ch'étôt dév'nu min batiau et mi, j'in étôs l' capitaine pou' des voïaches imaginaires !
Chés jônes d'ach' t'heure s'rôttent bin imbêtés (pou' pas dire aut' cosse) si y dévrôttent artourner à ch' timps-là !
Oh mazette, vingt-diousse !
j' me souviens que chez Béghin, chéto eune quincaillerie qui éto au début d' la rue d'la république, in face d'el flanade , i vindote des planches in bo que d' su i yavo comme eune plaque in fer fixée , nan eune plaque lisse mais cha faijo comme des escayers, in in vo cor ed temps en temps dins des orchestres country américain , i font du bruit d' sus avec des dés qui s' met' aux do, cha y est voyez quo ch' an' n est ?
cha servo à bin frotter ch' linche à la main d' sus
mi' l'souv'nir de ch' tépoque là , ché que chéto vraimint eune corvée, eune corvée dangereusse pasque fallo pas faire attention d' pas rinverser l' lessiveusse avec l io caute d' dins .....
chéto eune époque ou cha finquo dins l' cuisine, qui y avo plein d' buée ché l' cas del' dire su 'ché carreaux, que ché meres al' prenottent ch' linche avec eune pinche in bo pasque cha cauffo sec
au delà del finquée dins l' barraque, du temps qui fallo pour laver ch' linche, toutes les étapes entre ch' linche qui commincho à tremper jusqu au momint du que ch' linche, arpassé , i éto armis dins ché casiers des armoires, i n' avo d' zétapes ........
au d' la del finquée, du temps passé, del fatique pour l' mère, yavo ses mains, mi m'mère quand qu ale faijo l' lessiffe al' main, ale avo des mains pleines d' crevasses, et mi tout tchiot cha m' faijo du mau à vire
cha parait et' d un aut' temps , du temps d' zola, chéto y a à peine 40 ans
In plus ed tout cha, y avot l'z'odeurs, l'linche qui bout, l'linche étindu dins l'mason qui sèche, l'linche qu'in arpasse. J'y sus ed'dins in l'écrivant.
Mais i fot pas oublier l'hiver, quanque i gélot et qu'in devot aller querre l'ieau à l'pompe. Cha allot nous in étot pas trop loin.
L'soir y avot toudis un homme qui s'chargeot d'immailloter l'pompe pour que l'lendemain matin tout i n'seuche pas gélé. Et quanque i avot un gros glachon à l'sortir du tuyau ben l'premier arrivé i dégelot tout cha souvint avec inne bouilloire d'ieau presque bouillante.
Pis nous ches filles dès qu'in pouvot aider note mère ben in suivot et un portot l'ieau. Y a pas si longtemps qu'cha Mais j'vous rassure j'préfère note époque, mais j'n'oublie pas
ch'est un détal vous d'direz, mais y a inne imache qui m'arvient.
In faisot séquir l'lessiffe pa-d'ssus l'cuisinière.
Y avot pas tellemint d'plache.
D'habitude In accroche el'linche in ligne. l'tissu côte à côte sul même fil.
Pour gagner del plache in prenot deux fils in mettot inne épingue sul fil du fond in accrochot l'serviette ou l'torchon pis sur l'fil de d'vant in accrochot l'autre coin d'tissu. Ringé comme cha in travers in pouvot tout accrocher.
Bonsoir
In faijot el lessife dins z'eine BOUILLEUSSE avec du savon SINLICH, Et pi après elle lessife faite, in imployot el l'ieau pour lessiver ech trottoir. Pi ech couverque d'el bouilleuse y servot pour deschinte ech terril. mais l'miux chétot un dessus d'gazinière....
Si mes souvenirs sont bons, au milieu d'el bouilleusse in mettot in espéce ed cheminée. Mais là j'compte sur vous pour éclairer m'lanterne.
A moins qu'in mettot el cheminée pour stériliser des conserves. Car el bouilleusse servot aussi à cha. A m'mason in faijot el bière dins l'bouilleusse avec ed l'autobrasseur.
Bonne soirée

