quand qu in trafico ché vélos

in a souvint récupéré ch' vélo du père ou du frère .......

in avo arluqué d' sus pendant un bon momint , quite à essayer d' monter in cachette ed sus, mais cha coincho in avo les prones qui étotent collées sul' selle tandis qu' ché bouts d' pieds i zéssayottent d' toucher les pédales ....

ché vrai in'n avo qui avotent des vélos neufs avec eune peinture qu ale brillo, sans oublier l' sacoche in plastique d'sous l' selle du qui avo les outils pour réparer

alors quand qu in n avo pas d 'neuf in copio, in d'mindo du chatertone à ses parints pour mette autour du guidon, pour imiter ch' guidon d' course

in d' mindo aussi à c' qui nous artire l' porte bagache arriere, vu que cha "ralentisso quand qu on accelero" , chéto surtout pour essayer d' donner eune allure esportive à un vélo qui avo eu eune vie antérieure plutot calme ... et qui , l' vie ale est mal faite, allo finir s' carriere dans les mains d' jones cyclistes, collectionneurs d imaches panini arprésentant Eddy Merckx , Luis Ocana, Jan Jansen, Raymond Poulidor, Felice Gimondi, des stars du tour de france
alors qu à nos ziux ,les frères De Vlaminck ou Rick Van Loy, les espécialistes des classiques avotent te moins la cote avec nous
aprés bin sur in essayo bin sur au grè d eune crevaison qu in nous monte des pneux voir meme des boyaux , cha faijo plus "classe" , mais là pas évident vu que ch' pneu crevé i avo dro d abord à eune visite chez Mr Finet qui habito au 20 del rue Leverrier
Mr Finet l' especialiste de tout c'qui roulo, d ailleurs dés qu' té rintro dins' cour, cha sinto l' graisse à vélo, l' cambouis, y avo toudis un ou deux vélos en cours d armontache, sans oublier au fond toute l' panoplie au garde à vous, des cléfs inglaisses ou pas, classées del plus tchiote al' plus grante ...

in espéro qui arrivero pas al' réparer ch' peneu, mais savez " à Mr Finet , rien d impossipe" et souvent in arparto avec l' meme section de pneumatique, et cor in devo li dire merci à MR Finet , alors qu in auro tel' mint voulu qui nous disse, nan faut tout canger ....

aprés in essayo aussi del personnaliser ch' vélo, in y metto des decalcomanies, in fixo d' sus des cthiots drapeaux , et certains i accrochotent des feules d' papier arténues par eune pince à linche , l' feule ale traino su ché rayons et quand t accéléro , cha faijo un boucan du diape

in admiro in cachette chti qui avo un vélo d' course avec ché freins sul' devant et nan in d' sous in forme ed cornes d' boeuf souvint sur un type d' vélo qu in app' lo "un routier" , chéto plus près d un vélo normal que d'sus un avo rajouté un guidon d' vélo d' course, mais y avo un sacré handicap , chéto sin poids .........

minloute ta oublié el peinture alu qu'in mettot d'su chés guidons , al servot aussi pour chés busses ed' fu

ché dynamos ed vélo
vous vous rapl'ez comme chéto fatigant rouler el soir avec el dynamo pour s'éclairer mi j'avo treuvé el truc. nan j'en' roulos pas sans lumière esse sus peut ête un peu zinzin mais pas ach' point la. chéto simpe j'avos mis eune batterie in d'sous d'em' selle avec 2 interrupteurs such' guidon un pour l'avant, un pour l'arrière et l' tour éto jué. et chéto économie dins tous les sens du terme: moins fatigant pour pédaler, ech' pneu avant i s'usot moins vite. seul inconvénient ché qui fallo quinger el batterie ed temps.
j'auros du déposer el brevet peut ete qu'asteur esse s'ros riche

Bonjour à tous.
Pas d'soucis Minloute pour el Peugeot 103 et l'peugeot 104. Pour ché vélos y'avo aussi l'randonneur. Chéto un vélo avec porte bagache avant et arrière. In pouvo mette des sacoches à l'arrière mais aussi à l'avant. Y'avot des poignées d'freins horizontales. Mi j'avo un peugeot randonneur avec double poignées d'freins, horizontales et d'course. Ch'vélo aquaté ché Valembois au n° 4 aux alouettes.
Y'avo aussi l'marque BERTIN qu'chéto des vélos d'course. Chéto vindu à Lavolvile j'mé rappelle pu du nom dech nom du commerce mais chéto à coté dech restaurant la belle au bois in face dech dispensaire.
Mais l'chérisse sur el gatio chéto Flandria à côté dech commissariat ed police. Chéto àl pédale bruaysienne el nom chéto ché DELBENDE. Pi pour faire sport in metto in morcieau d'carton avec des pinches à linches sur el rolle arrière. Cha pétarado à tout va.
I m'est arrivé quand y'avo del neiche ed mette del fichelle autour ed ché pneux pour pas glicher. Ché pneux qui étotes des ballons ou des demis ballons pour el confort. Sur el dynamo un metto aussi un petit capuchon in caoutchouc.

cha m'rappelle aussi chés vélos , qu'y fallot donner un coup d'pédale in arrière pour freiner , j'cros qu'in appellot cha des freins polonais

Bonsoir

qui ché quisse rappelle ed ché vélos avec un double plateau, plus particulièrement ceux dont ont changeait de plateaux non pas avec une manette de dérailleur mais une manette située en bas du cadre. On pouvait changer ainsi de plateau en actionnant cette manette.