ches dentistes del' Caisse de S'cours

un souv'nir qui m'arvient, pas des bons pour mi, jé n'sais pas si pour vouzautes chétot parel!!!
Comme min père étot mineur ed'fond, in avot drot au méd'cin gratuit et l'dintiste, par el'caisse de s'secours, (in disot cha hein, nan?) des HOUILLERES quoi, bin in étot obligés, pour s'faire soigner par eusse, in n'avot pas l'choix.
Quand j'veyos mes frangines arvénir du dintiste, pour s'faire soigner leurs dints (d'ailleurs, el'solution, chétot plutot : faut arracher cha !) avec des sacrés chiques, cha donnot pas invie d'y aller!!
Donc, in étant gamine, j'a eu l'drot un biau jour d'y aller, j'avos trop attindu, chéto à BRUAY y m'semble bin.
L'peur au vinte, j'rinte dinl' salle, in m'aide à m'assire sul'fauteul car ech' sus pas grande 7/8ans, pis ech' dentiste arriffe et là, pour el' première fos j'vos que ché un homme ed'couleur!
Vous imaginez el'trouille de vire un homme de couleur pis d'arracher m'dint!!! surtout à ch'époque là! aie aie aie!!
V'la qui m'anesthésie em'dint (mais y'a pas trop attindu l'effet d'indormissemint comme achteur) et hop, in arrache cha de sitot !
Bin, j'a pu voulu artourner chez l'dintiste, j'a souffert de mes dints, certes, et quand ja eu em' première paye, bin cha été pour aller m'faire soigner pratiquemint toutes mes dints
Je sais qu'aujourd'hui, je "paye" de mes mauvaises dents, pour dire qu'a l'heure actuelle, el'nouvelle génération, ont gramint de chance de pouvoir se mettre des "bagues" pour le bien être !
Et vouzautes, chétot ainsi? Ceux qui féjotent partie del'caisse de secours?
Bonne journée à vouzautes, je dos aller chez l'dentiste .., mais achteur j'y va pu à contrecoeur!!

Ben mi j'in sors ed chez l'dintiste, ch'est vrai qu'in n'y va pus à r'culons comme avant
mais sinon comme té dis Babette el problème ch'est que quand in avot à faire à ches dintistes del caisse de secours minière i z'arrachotent , i faut bien dire qu'in payot pas et qui fallot que cha coute pas trop quer ... donc arracher eune dint cha va plus vite et cha coute bien moins quer que d'el soigner
jé n'sais pas si les couronnes et les pivots cha existot à l'époque mais i n'aurot pas été question ed toute façon qu'in nous mette cha
ch'est comme cha qu'pour gramin, surtout quand in n'a pas eune trop bonne dintition au départ, ben in s'artreuve avec queques dints in moins ... qui étotent suremint réparapes mais que ch'dentiste del caisse de secours à treuver pus simpe d'arracher, asteur in eune séance in arfait à neuf eune dent cariée
mi j'a fait parel que ti j'a essayé ed rattraper el tir quand j'a comminché à travailler mais c'qui étot perdu étot perdu ..

i avo un dentiste ale caisse ed secours à Bruay, les gins l'ap'lotent el "boucher", chéto un rouquin i arrachot des dints à tour de bras, les gins quand i savotent qui allotent avoir à faire à li i z'i allotent à reculons, peut ete que t'as du l' connaîte Babette et qui sait peut ete minloute.

J'avais 17 ans et deja des ennuis avec une molaire. Direction caisse d'secours . Le dentiste me colle le masque et une dose de gaz, au bout de quéques minutes il me dit qu'il faut faire une radio juste à coté à la caisse et l'arvir le lendemain avec l'radio (toujours avec ma machoire entaillé; deux aspirines). Le lendemain il m'entrepend et rebelote une dose de gaz , me charcute et me dit : je ne peux pas y arriver il faut aller a la cité (à Lille)!!!!!!! (toujours avec ma gu....ouverte) donc je prends le train et sur le quai de gare à Lille c'était jour d'incorporation!!!
Si ma mère n'était pas avec moi je me retrouvais embarqué dans un GMC direction citadelle!! Bref on a pris le bus et on est arrivé à la cité (à lépoque pas d'ambulance en dehors des heures de bureau et encore à 5 ou 6 entassé dedans; avec l'arrêt obligatoire à L'EPI de SOIL) j'ai encore patienté 2 h avant d'être soulagé par un vrai dentiste
Encore aujourd'hui je me rappelle de ça minute par minute: avec pour seul calmant les cachets d'aspirine!!!!. C'était comme ça et on avait rien à dire!!

pour répondre à nounours, ech'dentiste "rouquin", ché un de mes frangins qui li soignot ses dints!
Li aussi quand y'étot jone, bin y'avot l'peur au vinte pour s'faire inlever s'dint, comme té dis, chétot un "boucher"! Alors au momint d'ouvrir es'bouque, min frangin li a mordu sin dogt.
Pour vous dire que les mineurs y z'avottent des avintages dins les Houilléres: médecins, dentistes gratuits, mais à quel prix!!! La preufe, in garde des séquelles de mauvaisses dintitions et j'peux vous dire que lorsque j'a du m'faire soigner mes dints quand j'étos majeur, ech'dentiste y'a eu du boulot, et j'a du li expliquer l'pourquoi mes dints z'étotent din un état comme cha !
Achteur pour mes infants j'leur dis toudis "n'attinds pas pour aller chez l'dentiste, brosses te bien les dints, car ravisse les problèmes que j'ai, vouzautes ale sont bien alignés, pinsez à conserver vos dints pour plus tard, mi, j'ai des "trous de gruyère" sur toutes mes dints de devant...."!