du lard ou du cochon ?

j' va vous parler un tchiot peu de bell' manman , cha fait un momint qu in n a na pas parlé
comme j' diso à certains y a pas longtimps, j a été aux champignons avec mes voisins
autant mi et un aut' voisin in a rin vu , autant l' aut' qui éto habitué à sin coin, y a trouvé des tchiots cèpes et eune fos à mes pieds que mi, vuvule ,ou plutot pas habitué , j avo pas trouvé ....

ah j in a trouvé des champignons mi, mais à chaque coup pas d' chance, chéto soit des champignons pour m' belle mère qui dijotent mes camarates

soit cha li auro artourné les boyaux en moins d' deux et ale auro passé au moins 2 jours in permanence dins ché ouatères à r'peinde l intérieur , j' vous fais pas un dessin .....
autre avantage , quand qu ale s'ro aux ouateres, ale pourro pas approcher du téléphone pour app'ler s'file ....

pour appeler , enfin ché eune facon d' parler , d' crier presque, ah quand que j' décroche et qu' ché elle, j' mets ch' téléphone savez comme ché pommeaux d' douche ...à bonne distance ... j attends que l' flux d' parole i so passé, j attinds qu ale comminche à arprinte sin souffle et là , mi , tappi dans un coin, j' saute su la bete pour li dire "attindez j' vous passe vot' file" ...j a l impression in passant ch' téléphone à grand mère que ché eune bompe à paroles que j y mets dans les mains ...

aut'champignons que j avo trouvé quand que j' cacho, chéto des champignons plus commint qu on pourro dire, plus "expéditifs" , pourtant i n étotent pas rouche à points blancs, nan, mes gins d un bio gris , et là min vigin i m a dit qui fallo meme pas les toucher ou alors s' laver les mains dans la foulée ..

plus expéditifs qui dijotent , meme in ptite dosse ? que j a d'mindé ?
savez meme si j' su pas chasseur, in utilisse pas l' meme cartouche pour tirer au lapin qu au sanglier ......

surtout que vu l' volume cha s'rapproch'ro plutot du deuxieme animal ... nan t inquiete te pas , t in mets eune bonne dosse , pas qu un seul, et là ché ni fleurs ni couronnes

rassurez vous ché nin dans mes intentions, immédiates j' précisse

mais savez minloute i sait pas t'nir s' langue , l'dernier coup qu ale vient al' mason et que j a du et' là, ouais i dracho à bersinque , impossipe d aller randonner, donc l' dernier coup qu ale vient al' mason, l' conversation ale part su ché personnes agées ..

mi j' dis rin ,minloute tais te, cha fait qu eune demie heure qu ale est là , té va pas commincher à ouvrer les hostilistés ...
mais là al' m a tendu eune perche que j a pu qu' la printe ...

ale parlotent des personnes agées, d' la dépendance en fin d' vie, ale ravisotent un r'portache al' télé , enfin i zessayottent
pasque bell'manman comme j' dis ALE A UN AVIS SUR TOUT, ET SURTOUT UN AVIS .....
allez pas essayer , j a dis essayer d' acouter l' journal télévisé avec elle, CHE IMPOSSIPPE , ale comminte ché sujets, et souvint ale déborde et qu ale a du mal à comprinte l' sujet suivant vu qu ale a ouvré s' gamelle un bon momint ....
là chéto un r'portache j' sais pu su quelle chaine cablée, et in voyo les personnes atteintes de la maladie d halzeimer mais à un stade avancé

ET LA m' belle mère ale dit " AH SI VOUS VOYEZ QUE J COMMINCHE A PERDE LA TIETE FAUDRA M PIQUER" , j' m a d'mindé , ché ti du lard ou du cochon ?

mi d'vant min ordinateur j y dis aussi fort qu ale parle , "in comminche quand mamie" ale avo pas compris , j a du l y expliquer qui éto temps d envisager l' piqure , bin là cha li a freumé sin caquet ....chinq segondes

zallez dire chinq segondes ché pas beaucoup mais savez cha fait du bien de pouvoir faire arposer ché esgourdes meme pas longtimps ..

tais te minloute TAIS TE
mi j'pinse qui faudrot qu'té trouf quête cosse , qu'el police al pourrot pas trouver , avec des champignons ou in piqure , ché trop visipe ,
j'ai connu el même problême avec el mienne , ché m'femme qui la artrouvé un matin , 5 minutes trop d'bonne heure , donc apres un tiot séjour a l'hosto , j'ai des leumières qu'yont clignotés , din m'tiête et avec astuce , j'ai réussi al faire invoyer a mon d'es files in normandie , j'mé vite dépéché ed' trouver in camionette , et j'lé invoyé la bos avec tous ces meupes ché pu ch'temps la qu'j'ai un auréole ,
j'avos trouvé un truc pour pu qu'al vienne al maison , j'y avos fait cadeau d'in coussin d'belle mère , té sais ché tiot cactus qu'in trouf d'in l'midi, j'pinsos qu'cha l'arot découragée, mais cha a été découvert

Ah minloute, minloute!! en lisant votre propos me revient le souvenir de belle maman Ma mère est décédée jeune aussi quand belle maman a été rattrapée par l'age , on l'a prise chez nous. On a aménagé une pièce et on l'a soignée 4 ans; Je l'ai aidé dans les gestes quotidiens; vous me comprenez; et un matin je la tenais dans mes bras pendant que mon épouse l'habillait et elle est partie d'un coup, rejoindre ma mère. Aussi je me rappelle toutes les petites "piques" que je lui disait et elle aussi qui me répondait du tac au tac. J'ai mis longtemps à me remettre de son départ et c'est pour vous dire (mais dans le fond vous le savez) que si vous avez la chance de vous chamaillez un peu c'est parce que vous L'AIMEZ A FOND LA CAISSE ai je tort???