les juets in plastique

mi qui su né en 60, 1960 j' précisse .... et cha a été l aven' mint du plastique dins toutes ché formes .... au rebut ché pots d' champe in fer qui faijottent GLING GLING GLING quand tin père i faijo pipi d' dins, nan cha a été rimplaché par l' pot d' champe en plastique que cha faisot plif plif plif quand i faijo pipi d' dins, un bruit commint dire , plus mé lo dieux, presque l' bruit d' l io qui sort d' la source (là j' cro que j exagere un tchiot peu quand meme)
comme j a djà dit dans un aute sujet , au r'but ché vielles tapes d' cuisine héritées d' el tante germaine ou marguerite, vive le formica ......
au grenier ché juets in bo qui avotent bercé so ché frères et soeurs ou alors qui avotent servi al' génération précedente, à part bin sur Paulo , ch' bidet d' bo qui li i n a vu passer su sin dos, et bienvenue au plastique

cha perdo quequ' fos en poésie, rin que pour les soldats, chéto pu des sujets in ferale , peint à la main, nan asteure t acato cha , in grappe , in sachet , t in avo bin plus pour juer , eune douzaine au minimum, sans compter ché soldats miniatures de chez Heller ...
par conte si té gagno au niveau du nompe d' soldats, té perdo au niveau d' la solidité et au niveau d' la couleur, pasque là chéto moulé dans eune seule couleur, té pouvo avoir des soldats tout gris , tout bleu, tout jaune etc

y a qu un coup j a eu des soldats made in germany , i zétotent peints, mais à forche d ' les manipuler , ché couleurs it 'restotent su les mains .....

pi surtout cha a comminché tout douch'mint à d'venir des objets dérivés d' flimes ou d' séries télévisées

mi j a pas eu dro al' panoplie d' zorro, ni au pistolet de joss randall, l'fameusse winchester au canon scié, mais j a eu dro au collier in superpe plastique de thierry la fronte
et such' médaillon i avo la photo d' jean claute drouot , chti qui juo justemint thierry la fronte

min cousin y avo eu et j éto jaloux , eune panoplie d' rusty
connaissez pas rusty ? oh la la .....chéto ch' jone soldat dans la série rintintin, avec ch' berger al'mand, et ch' lieut'nant i s appello ripp masters dins l' série

quand que j' parle du cang'mint qui a eu au niveau des soldats : du plomb au fer pi au plastique , faudro pas oublier que cha a arrivé aussi au niveau des tchiotes voitures
j adoro les tchiotes voitures de chez Norev, cha t éto offert d eune belle maniere, chéto un socle in carton que d'sus éto accrochée l'reproduction del carette ou d eune camionette, l' tout arcouvert d un couverque in plastique transparent, que t avo l impression quand qu on t' offro cha que chéto comme un coffret à bijoux ...
pi ché tchiotes carettes Norev , ale zétotent maniapes, souples, et l intérieur del carette i éto bin arproduit

sous l' carette i éto marqué l' type d' carette , l échelle à l aquelle ale avo été arproduite et le sigle Norev , avec eune clé si j' me souviens bin

et paradoxal'mint ché l' fer qui a fait un r'tour pour ché tchiotes carettes avec l' marque matchbox, chéto inglais j' cro bin , ale zétotent plus solites, et ale zont pris l' pas su les Norev qui sont restés fidèle au plastique avant d'faire eune partie d' la collection en zamac, eune sorte d alliache, mais chéto trop tard
faut dire aussi que ché tchiotes carettes ont été in momint détronnées par ché carettes robot v'nues du japon et qu asteure la moyenne des propriétaires d' carettes miniature in plastique ale a plus que la cinquantaine ...

el cop passé in allant chiner j'ai treuvé eune tiote carette qu'on armonte avec eune clé pour el faire rouler.ej sus arparti à m' n'appart' quer des sous dins m' tir'lire et ej l'ai acateé j'en sais pas ed quelle année ale date ni l' marque i a aucune réréfence.
je sais vous allez m' deminder t'as jué avec nounours in rintrant?
ben ouais.
ej vous met eune photo cha vous rappellera suremint d souv'nirs.

salut nounours , si elle est en tôle c'est une joustra cordialement Daniel,Mado