Les jardinsch' café
par minloute le, 23/10/2010in avo les deux al' mason , ou plutot ch' modele electrique à al' mason et ch' modele manuel à Merlimont ,ch' parle bin sur d' ché moulins à café
autant ch' moulin à café électrique, cha allo vite, té metto ch' café in haut , t armetto ch' couverque in plastique transparent rouche , tel' tenno bin pi t appuyo in meme temps such' bouton et aprés quequ' segondes que t avo pris 110 décibels dins té noreles, bin ch' café i éto moulu, m' mere ale pouvo l arverser dins l' couverque rouche pour l ' mette aprés dins l' caf'tiere ...
cha in pouvo pas trop y approcher pasque ché vrai , à l intérieur t avo deux tchiotes hélices, pi chéto facile à comprinte un moteur in d' sous, deux hélices qui tournotent à forte vitesse que té devo presque t accrocher at' caielle si té voulo pas tourner ti, autour dech' moulin électrique, emporté par l' forche centrifruge
là, j arconno que j exagère un tchiot peu ..
mais alors ch' moulin à café manuel, chéto bin pu compliqué à comprinte , in voyo bin en entrouvant ch' couverque du haut du qu in verso ché grains d' café, qu au fond d' l entonnoir y avo comme un systeme d' dents qui apparaisso
Mais chéto bizare quand meme , pasque si té metto un dogt au fond et qu' té tourno , cha pinço pas trop fort
alors commint comprinte que ché grains qu in verso in haut, par l' simpe magie d' tourner eune manivelle, cha arrivo aprés in bas dans eune espèce d' tchiot tiroir , non pas en grains mais tout moulu
mystère...mais j' vous en supplie , me donnez pas l' solution, que cha reste avec un peu d' magie autour ...
