ché mapes

j' su né en 60. j' précisse pour ché méchantes lanques, 1960 et au niveau des juets ,in éto à eune périote charnière ..
au miyeu des années 60, ché juets traditionnels allotent et' rimplachés à toute blinte par les juets in plastique...

dins les juets in bo, mi j' me souviens avoir bin jué avec des morciaux d'bo qui s imboitotent pour construire des chalets ..................cha preveno du jura , mais j' sais pu l' nom du juet d' construction , j' fabriquo alors des forts , pas des chateaux forts mais des forts pour s' met' à l abri des indiens, faut dire que cha relayo mes lectures d' bandes dessinées à savoir "Rintintin et Rusty" sans oublier le lieutenant Ripp Masters et le sergent Ohara si j' me souviens bien .........
j' me souviens aussi avoir bin jué avec toute eune ribambelle d' cyclistes in fer, reste des juets d' min frère ainé

les toupies bin seur, celles in bo ,avec eune pointe in fer, et qu in inroulo eune fichelle tout autour et qu après, d un coup sec in tiro d' sus, c' qui faijo démarrer l' toupie à vitesse grand v , chéto magique à raviser tout autant l' lanc'mint, l'toupie qu ale tourno, mais aussi les derniers instants du , comme in diro ché nous , " ale balo du coté qu ale allo querre" ..............

mi j a plein d' souv' nirs d' soldats in plastique , j in f'rai meme un sujet pasque j in a artrouvé y a pas longtimps par hasard

mais c' qui resto pour nous d' "ancien" et qu in avo ker à juer chéto ché mapes
cha ché un ju interessant, pasque d abord té peux y juer à plusieurs mais aussi tout seu dins tin coin

2 lieux d' prédilections pour y juer : l' cour d' récréation quand qu in i juo à plusieurs , et l' cour del mason quand qu in y juo tout seu ...............

tin fort d'indien , j'n'ai artrouvé un din min grenier , chétot un cadeau d"ech'père noêl à min garchon , j'l'ai déchindu , et j'l'ai mis d'su ch'tiot muret al sortie d'em maison , ya pas resté longtemps

L'fichelle pour faire tourner el toupie cha s'applot "un clincheron"
Ché mapes in terre, che mapes in verre et pis aussi ché mapes qu'un récupéro din ché roulment à biles. Ch'cro qu'cha s'appelot des "Biscayins". In metto tout cha din s'malette in toile. Mi j'acato ché mapes in terre ach marchand d'juet din l'côte Basly in face dec coiffeur Genel. J'mé rappelle bin d'l 'odeur ed ché mapes in terre. Chéto in odeur bin particulière.

In lisant c'que disot Boxerman cha m'est arvénu qu'in avot des photos sur el site del toupie et d'sin clacheron :

El clacheron