ché garnoules l hiver 3

quand que j' diso que ché gins is 'demindotent si chéto pour ch' med'cin ou pour eune piqure, ché qu in metto pas ché carnets d' santé au meme indrot
sul' tchiote tape del salle d attente , chéto pour ch' méd'cin , et sul' bureau d' l infirmiere , à droite in rintrant pour ché piqures ..
eune fos, l' foire d' empoigne terminée, y a des coups cha ralo quand meme , i n a toudis qui essayottent d' glisser le carnet in peu plus in d' sous ... t avo pu qu à attinte ...

ch' dispensaire is ' vido cor assez rapid'mint, bin ouais , tous ceux qui v'notent pour ché piqures , cha allo vite

aprés , vers 9h10 , i arrivo toudis des gins "aprés la batale" , quand qui avo cor du monte et que l' salle ale éto pleine , te le voyo toudis aller porter leu carnet à l infirmiere , et i voulotent commincher à li parler en catimini, du ginre "j a été farcé ch' matin pour m' lever mais jsu grinmint malate " pauvr' homme ou pauv' femme, l' infirmiere ale te l armetto vite in plache, " donnez me vot' carnet, j' eule met à la fin , chacun sin tour"

d' ailleurs j' do vous dire qui a des zexpressions qui faut pas dire à ché zinfants, ch' l infirmiere là , ale éto pas commote , et m' mère ale dijo "ché un vrai dragon" , bin savez quand que zavez 8 ans , et qu' zallez avec vote père vire ch' méd'cin au dispensaire, et que savez à l avinche, vous qui lisez des bandes dessinées d'Ivanohé , de Quentin Duward, de Prince que j' sais pu sin prénom, bref , que vous baignez dans les mythes et les légendes et qu in vous dit qu' zallez vire un dragon ...
j' peux vous dire qu' vous zetes pas loin des maronnes à vot' père quand que vous rintrez au dispensaire ...

té sé minloute,el médecin des mines cha a cangé ed' pi el temps. Ach' theure si té veux aller à la champ' comme in diso, t'as un N° ed téléphone, qui atteri es' sait pas du, mais en' femm' at répond, et té demande quand té peux avoir un rendez vous, même pas la peine ed dire tin nom, al' sait qui ché, rien qu'à vir el N° qui s'affiche sur sin mouchard.
Donc t'as el date, l'heure, si y a del plache, d'un un quart d'heure té peu y aller.
T'arrif, dé fo in est à 2,3 à atteinte, pi ech médecin y t'appelle, té t'assis, y preint tin dossier.
Pas ed crayon, y clic sur tin nom sul ordi portap' qu'il suit tout partout, y t'osculte biensur, té v'nu pour cha, el vla arparti avec es' souris, clic, clic, es' imprimante as met un route, et y sorte et' feul' ed medicaments. Arvoir docteur.
Poul pharmacie chez aut causs'.Té colle un étiquette sul ordonnance. Pour avoir del plache pour stationner ché après el sortie du collech', ou alors el mercredi apres midi, et la t'arpreint tin tour, el bonhom' i passe et' ordonnance sur un lecteur et' code barre det' étiquette que t'as collée, va quer tes médicaments. T'évite et' parler sinon si y ingach' el conversation sur un aut' sujet, té en n'ara pour un quart d'heure et' plus, ché pas parel' qu'el privé, là cha va plus vite.. mais bon on est sogné parel, et in peut pas faire autremint...