z'attrapes à moniaux

quand j'étot jeune em'passion d'l'hiver chéto d'attraper des moniaux . pour cha j'étot plus fort qu'a l'école , j'connaisso toutes les fichelles , cha allo du filet japonais , d'elle vielle porte et d'cage a lapin , al glue , et au mazingué .
el filet japonais j'min servo d'in ché camp d'bettrave , ch'tindo min filet in bas d'ch'camp , et j'rabatto ché volets d'monieaux jusqu'a quand i s'prenne et d'in .
el vieille porte d'cage a lapin elle j'el tindo avec un baton et eune fichelle , pi j'me metto a la fût , in attindant que ché moniaux viennent ett'sous , et la tiro l'fichelle .

éch mazingué chéto eune cage a deux compartimints , in bas té métto un rappel et un haut té ouvro pour que les autes i rinte , chétot bien parce que cha n'habimo pas ché z'ausio .

et aprés yavo l'glue , la j'coupo des cables ed frein d'vélo ,que j'détricho pour les trimper d'in l'glue , après j'lé planto d'in l'sol avec in peu grain et ché monieaux vénottes s'prinde et d'in . chétot eune manière es d'passer mint temps d'libre .

Mi, j'etos couqué au d'zeur d'el caban' à lapins , et j'avos s'mé du grain à l'intrée d'el cabane à poules
J'avos loyé l'port' avec ein' fichell'
et j'attindos qu'les pauv's moniaux y vienn'ent s'restaurer
I n'avot pus qu'à s'attrapper quind l'port' étot freumée , mais cha , ch'tot qu'et'cos
Qund j'arbusie à tout cha , j'sus in rach' après mi , j'sus responsap' qui n'a pus d'moniaux ......Pus d'papillons ....Pus d'guernioull's ..

té sais JEAN mi aussi aujourd'hui j'dis comme ti , mais j'ravise la nature autremint qu ' d'autres et cha ma donné eune grande connaissance sur les raçes et d'moniaux . et j'pinse pas que ché nous qu'in a fais l'plus d'mal a la nature