Les jardinsface au lycée Carnot
par minloute le, 23/02/2011savez quand qu on est lycéen au lycée carnot d' bruay, tout y éto fait pour nous faire tomber dins l' péché
y avo ché bistrot, comme j' dijo dans zin aut' artique, ch' lycée chéto comme l' villache des gaulois d' astérix et ché bistrots autour chéto les camps gaulois
yavo pas babaorum ou petitbonum, mais yavo l'café du centre, la taverne, l' café d' la paix, la maxeville, l aristo red, ch' papou, le well scotch, l' ringard (li y yéto in bas d' la rue des escaliers, j a un souv'nir d y avoir bu 4 bieres brunes et aprés j a failli mourir in allant nager al' piscine grossemy)
cha chéto pour la boisson
aprés yavo deux signaux forts, juste in face d'l entrée principale du lycée carnot
juste in face mais alors juste in face que té déchindo les escayiers qui déchindotent du lycée, té traverso such' passache clouté, t allo tout dro, pour et' dire t auro pu faire ch' voyache les zius freumés
cor qui fallo faire attintion à ché marches i aprés à ché carettes in traversant, mais si té traverso au miyeu du passache clouté, t arrivo juste al' porte d' l anpe ...
y a des coups quand qu in attindo l ouverture des portes du lycée, nan ché faux, quand qu in attindo l' tout dernier momint eune fo l' sonn'rie du début des cours qu ale avo sonné,pour rintrer à l intérieur, in s' dijo souvint , bin eune fo que t a terminé tes zétutes, t as pu qu à traverser l' route , l anpe ale et' tend les bras
mais tout cha , zetes pudiques les garchons , y avo pire qu' cha comme tentation ...allez cachez bin chéto presque en face d' l entrée du lycée, juste à gauche d' l anpe.....
cha vous dit rin ?
